Kiran Reporter Haveri
ಸಿದ್ದಾಪುರ: 11 ತಿಂಗಳ ಮಗು ಸೇರಿ ಒಟ್ಟು 6 ಜನರಿಗೆ ಸಿಡಲು ಬಡಿದಿದ್ದು, ಎಲ್ಲರೂ ಆಸ್ಪತ್ರೆಗೆ ದಾಖಲಾಗಿದ್ದಾರೆ.
ಬುಧವಾರ ಸಂಜೆ ಹಾರ್ಸಿಕಟ್ಟಾದ ಕರ್ಕಿಸವಲ್ ಗ್ರಾಮದ ಗಾಳಿಜಡ್ಡಿಯಲ್ಲಿ ಸಿಡಿಲು ಬಡಿದಿದೆ. ವಿದ್ಯಾ ಭಾಸ್ಕರ್ ಚೆನ್ನಯ್ಯ (14 ವರ್ಷ), ಸುನಂದ ತಿಮ್ಮ ಚೆನ್ನಯ್ಯ (50 ವರ್ಷ) ಸುನೀತ ಗಣಪತಿ ಚೆನ್ನಯ್ಯ (25 ವರ್ಷ) ವಿನಯ್ ಭಾಸ್ಕರ್ ಚೆನ್ನಯ್ಯ (18 ವರ್ಷ) ಪ್ರೇಮ ಭಾಸ್ಕರ್ ಚೆನ್ನಯ್ಯ (40 ವರ್ಷ) ಹಾಗೂ ವಿಹಾನ್ ಧನಂಜಯ್ ಚೆನ್ನಯ್ಯ (11 ತಿಂಗಳು ) ಸಿಡಿಲ ಆಘಾತಕ್ಕೆ ಒಳಗಾದವರು.
ತಹಸೀಲ್ದಾರ್ ಎಂ ಆರ್ ಕುಲಕರ್ಣಿ ಆಸ್ಪತ್ರೆಗೆ ಭೇಟಿ ನೀಡಿ ಅಸ್ವಸ್ಥರಾದವರ ಆರೋಗ್ಯ ವಿಚಾರಿಸಿದರು. ಆಘಾತಕ್ಕೆ ಒಳಗಾದವರಿಗೆ ಯೋಗ್ಯ ಚಿಕಿತ್ಸೆ ನೀಡುವಂತೆ ಅವರು ಸೂಚಿಸಿದರು. ಸಿಡಿಲು ಬಡಿದ ಜಾಗದಲ್ಲಿನ ಮನೆಗೆ ಅಲ್ಪ ಪ್ರಮಾಣದ ಹಾನಿಯಾಗಿರುವುದಾಗಿ ಅಧಿಕಾರಿಗಳು ಹೇಳಿದ್ದಾರೆ.
