6

ಒಂದು ಅಪಘಾತ-ನೂರು ನೋವು | ಚಿಕಿತ್ಸೆಗೆ ಯೋಗ್ಯ ಆಸ್ಪತ್ರೆ ಇಲ್ಲ.. ಶವ ಸಾಗಾಟಕ್ಕೆ ರಸ್ತೆ ಇಲ್ಲ!

ಅಂಕೋಲಾ: ಇನ್ನೂ ನೊಂದಣಿ ಸಹ ಆಗದ ಭಾರತ ಬೆಂಜ್ ಕಂಪನಿಯ ಹೊಸ ಲಾರಿ ಸುರೇಶ ಗೌಡ (33) ಎಂಬಾತರ ಬೈಕಿಗೆ ಗುದ್ದಿದ್ದರಿಂದ ಸುರೇಶ ಗೌಡ ಗಾಯಗೊಂಡಿದ್ದು, ಚಿಕಿತ್ಸೆಗಾಗಿ ಸುಸಜ್ಜಿತ ಆಸ್ಪತ್ರೆ ಇಲ್ಲದೇ ಸಾವನಪ್ಪಿದ್ದಾರೆ. ಅವರ ಶವವನ್ನು ಆಂಬುಲೆನ್ಸ ಮೂಲಕ ಊರಾದ ಮಾಸ್ತಿಕಟ್ಟಾ ಸಮೀಪದ ಕ್ಯಾದಗಿ ಗ್ರಾಮಕ್ಕೆ ಸಾಗಿಸುವಾಗ ಯೋಗ್ಯ ರಸ್ತೆ ಇಲ್ಲದ ಕಾರಣ ತೊಂದರೆ ಅನುಭವಿಸಬೇಕಾಯಿತು.

ನ 8ರಂದು ಬಾಳೆಗುಳಿ ಕಡೆಯಿಂದ ಮನೆಗೆ ಬೈಕ್ ಮೂಲಕ ತೆರಳುತ್ತಿದ್ದ ಸುರೇಶ ಗೌಡ ಅವರಿಗೆ ಲಾರಿ ಗುದ್ದಿದ್ದರಿಂದ ಅವರು ರಸ್ತೆ ಪಕ್ಕ ಬಿದ್ದಿದ್ದರು. ಕಂಚಿನ ಬಾಗಿಲ ಬಳಿಯ ಬ್ರೋಗ್ರಿಬೈಲ್ ಬಳಿ ಅವರನ್ನು ನೋಡಿದ ಜನ ಅಂಕೋಲಾ ಆಸ್ಪತ್ರೆಗೆ ದಾಖಲಿಸಿದರು. ನಂತರ ಹೆಚ್ಚಿನ ಚಿಕಿತ್ಸೆಗೆ ಕಾರವಾರ ಜಿಲ್ಲಾಸ್ಪತ್ರೆಗೆ ಸಾಗಿಸಿದರು. ಅಲ್ಲಿಯೂ ಆತನ ಪರಿಸ್ಥಿತಿ ಕಷ್ಟ ಎಂದೆನಿಸಿದಾಗ ಮಂಗಳೂರಿಗೆ ಸಾಗಿಸುವ ಚಿಂತನೆ ನಡೆಸಿದರು. ಆಂಬುಲೆನ್ಸ ಮೂಲಕ ಮಂಗಳೂರಿಗೆ ಸಾಗಿಸುವ ವೇಳೆ ಭಟ್ಕಳದ ಬಳಿ ಸುರೇಶ ಗೌಡ ಉಸಿರಾಟ ನಿಲ್ಲಿಸಿದ್ದು, ಭಟ್ಕಳ ಆಸ್ಪತ್ರೆ ವೈದ್ಯರು ಅವರ ಸಾವನ್ನು ದೃಢಪಡಿಸಿದರು.

ಸುರೇಶ ಗೌಡ ಸಾವನಪ್ಪಿದ ಕಾರಣ ಆಂಬುಲೆನ್ಸ ಮೂಲಕ ಅವರ ಶವವನ್ನು ಅಂಕೋಲಾದ ಮಾಸ್ತಿಕಟ್ಟಾ ಸಮೀಪದ ಕ್ಯಾದಗಿ ಗ್ರಾಮಕ್ಕೆ ತರಲಾಯಿತು. ಆದರೆ, ಕ್ಯಾದಗಿ ಬಳಿಯಲ್ಲಿನ ಹಳ್ಳದಲ್ಲಿ ಆಂಬುಲೆನ್ಸ ದಾಟಲಿಲ್ಲ. ರಸ್ತೆ ಸರಿ ಇಲ್ಲದ ಕಾರಣ ಆಂಬುಲೆನ್ಸನ್ನು ಊರಿಗೆ ತರುವುದೇ ಸಾಹಸವಾಗಿತ್ತು. ಅದಾಗಿಯೂ ಆಂಬುಲೆನ್ಸ ಚಾಲಕ ಧೈರ್ಯದಿಂದ ಕ್ಯಾದಗಿ ಪ್ರವೇಶಿಸಿದ್ದು, ಮನೆಯವರೆಗೆ ವಾಹನದ ಮೂಲಕ ಶವ ಸಾಗಾಟ ಸಾಧ್ಯವಾಗಲಿಲ್ಲ. ಕೊನೆಗೆ ಊರಿನ ಕೆಲವರು ಸೇರಿ ಶವವನ್ನು ಮನೆಗೆ ಮುಟ್ಟಿಸಿದ್ದು, ಅಂತ್ಯ ಸಂಸ್ಕಾರ ಮಾಡಿದರು.

  • Related Posts

    ಹಾವೇರಿ ಮಹಿಳಾ ಕಾಂಗ್ರೆಸ್‌ನಿಂದ ಇಂದಿರಾ ಗಾಂಧಿ ಜನ್ಮದಿನಾಚರಣೆ!

    Share this… Facebook Pinterest Twitter Linkedin Whatsappಹಾವೇರಿಯಲ್ಲಿ ಇಂದಿರಾ ಗಾಂಧಿ ಜನ್ಮದಿನಾಚರಣೆ: ಮಾಜಿ ಪ್ರಧಾನಿಯ ಕೊಡುಗೆ ಸ್ಮರಿಸಿದ ಮಹಿಳಾ ಕಾಂಗ್ರೆಸ್ ಮುಖಂಡರು ಹಾವೇರಿ: ಭಾರತದ ಮಾಜಿ ಪ್ರಧಾನಮಂತ್ರಿ ಹಾಗೂ ಉಕ್ಕಿನ ಮಹಿಳೆ ಎಂದೇ ಖ್ಯಾತರಾಗಿದ್ದ ದಿವಂಗತ ಇಂದಿರಾ ಗಾಂಧಿಯವರ ಜನ್ಮದಿನದ…

    ನ.23 ರಂದು ಒಂದು ದಿನದ ರಫ್ತು ಪ್ರೋತ್ಸಾಹಧನ

    Share this… Facebook Pinterest Twitter Linkedin Whatsappಜವಳಿ ವಲಯದ ಸಂಭಾವ್ಯ ರಫ್ತು ಉದ್ದಿಮೆದಾರರಿಗೆ ಒಂದು ದಿನದ ರಫ್ತು ಪ್ರೊತ್ಸಾಹನ ಕಾರ್ಯಗಾರ ನ.23 ರಂದು ಸೋಮುವಾರ ಬೆಳಗ್ಗೆ 10 ಗಂಟೆಗೆ ಹಾವೇರಿ ನಗರದ “ಗುಡ್ಡೆಪ್ಪ ಹಳ್ಳಿಕೇರಿ ಕಾಲೇಜು ಸಭಾಂಗಣದಲ್ಲಿ ಆಯೋಜಿಸಲಾಗಿದೆ. ಜವಳಿ…

    You cannot copy content of this page