6

ಅನಧಿಕೃತ ಮೀನು ಮಾರಾಟಕ್ಕೆ ಪಟ್ಟಣ ಪಂಚಾಯಿತಿ ಸದಸ್ಯರದ್ದೇ ಶ್ರೀರಕ್ಷೆ!: ಪ್ರತಿಫಲವಾಗಿ ಉಚಿತ ಮೀನು-ಮಾಂಸದ ಭಿಕ್ಷೆ

ಯಲ್ಲಾಪುರದಲ್ಲಿ ಅನಧಿಕೃತವಾಗಿ ಎಲ್ಲೆಂದರಲ್ಲಿ ಮೀನು-ಮಾಂಸ ಮಾರಾಟ ನಡೆಯುತ್ತಿದೆ.‌ ಇದನ್ನು ತಡೆಯಬೇಕಿದ್ದ ಪಟ್ಟಣ ಪಂಚಾಯಿತಿ, ಜಾಣ ಕುರುಡು ಪ್ರದರ್ಶಿಸುತ್ತಿದೆ.‌ ಇನ್ನೊಂದೆಡೆ ಅನಧಿಕೃತ ಮೀನು-ಮಾಂಸ ಮಾರಾಟಗಾರರಿಗೆ ಪಟ್ಟಣ ಪಂಚಾಯಿತಿಯ ಕೆಲ ಸದಸ್ಯರೇ ಬೆಂಬಲವಾಗಿದ್ದಾರೆ ಎಂಬ ಮಾತೂ ಕೇಳಿ ಬರುತ್ತಿದೆ.

ಅನಧಿಕೃತ ಮೀನು-ಮಾಂಸ ಮಾರಾಟದ ಬಗ್ಗೆ ಪಟ್ಟಣ ಪಂಚಾಯಿತಿಯ ಸಭೆಯಲ್ಲಿ ಆಕ್ರೋಶ ಭರಿತರಾಗಿ ಸದಸ್ಯರು ಮಾತನಾಡುತ್ತಾರೆ. ಆದರೆ ಅದೇ ಪಟ್ಟಣ ಪಂಚಾಯಿತಿಯ ಕೆಲ ಸದಸ್ಯರು ಅನಧಿಕೃತ ವ್ಯಾಪಾರಕ್ಕೆ ಪ್ರೋತ್ಸಾಹಿಸುವುದು ವಿಚಿತ್ರವಾಗಿದೆ.

ಹೊರ ತಾಲೂಕಿನಿಂದ ಬಂದು ಯಲ್ಲಾಪುರದ ತಟಗಾರ ಕ್ರಾಸ್ ಹಾಗೂ ಇತರೆಡೆ ಬೀದಿಯಲ್ಲಿ ಮೀನು ಮಾರುವವರಿದ್ದಾರೆ. ಜೋಡುಕೆರೆ ಬಳಿ ರಾಷ್ಟ್ರೀಯ ಹೆದ್ದಾರಿಯ ಪಕ್ಕವೇ ಮೀನು ಮಾರಲಾಗುತ್ತದೆ. ಹೆದ್ದಾರಿಯಲ್ಲೇ ವಾಹನ ನಿಲ್ಲಿಸಿ, ಮೀನು ಖರೀದಿಗೆ ಜನ ಮುಗಿ ಬೀಳುತ್ತಾರೆ. ಆಗ ಟ್ರಾಫಿಕ್ ಜಾಮ್ ಉಂಟಾಗಿ ಸಮಸ್ಯೆಯಾಗುವುದೂ ಸಾಮಾನ್ಯವಾಗಿದೆ. ದೂರು ಬಂದಾಗ ಒಂದೆರಡು ದಿನ ಮಾರಾಟ ಬಂದ್ ಮಾಡಿಸುವುದು, ನಂತರ ಮತ್ತೆ ಆರಂಭಿಸಲು ಅವಕಾಶ ಕೊಡುವುದು ಪರಿಪಾಠವಾಗಿದೆ.

ಎಲ್ಲೆಂದರಲ್ಲಿ ಮೀನು ಮಾರಾಟ ಮಾಡುವುದಕ್ಕೆ ಕೆಲವು ಸದಸ್ಯರದ್ದೇ ಪ್ರೋತ್ಸಾಹ. ಇದಕ್ಕೆ ಪ್ರತಿಫಲವಾಗಿ ಸದಸ್ಯರ ಮನೆ ಬಾಗಿಲಿಗೇ ಉಚಿತವಾಗಿ ಮೀನು-ಮಾಂಸ ಪೂರೈಕೆಯಾಗುತ್ತದೆ. ಇದು ಸ್ವತಃ ವ್ಯಾಪಾರಿಗಳೇ ಆಡುವ ಮಾತು.

ಮೀನು ಮಾರುಕಟ್ಟೆಯಲ್ಲಿ ಅಧಿಕೃತ ಟೆಂಡರ್ ಪಡೆದು, ಬಾಡಿಗೆ ತುಂಬಿ ವ್ಯಾಪಾರ ನಡೆಸುವವರ ಗೋಳು ಕೇಳುವವರಿಲ್ಲ. ಇನ್ನು ನಾವೂ ಬೀದಿಯಲ್ಲೇ ವ್ಯಾಪಾರ ಮಾಡುವುದೇ ಒಳ್ಳೆಯದು ಎನ್ನುತ್ತಿದ್ದಾರೆ ಮಾರುಕಟ್ಟೆಯ ವ್ಯಾಪಾರಸ್ಥರು.

  • Related Posts

    ಮಹಿಳೆಯ ಪಕ್ಕದಲ್ಲೇ ಮಲಗಿ ಕಳ್ಳತನಕ್ಕೆ ಯತ್ನಿಸಿದ ಖದೀಮ!

    Share this… Facebook Pinterest Twitter Linkedin Whatsappಹಾವೇರಿ ಜಿಲ್ಲಾಸ್ಪತ್ರೆಯಲ್ಲಿ ಮಧ್ಯರಾತ್ರಿ ಕಳ್ಳನ ಕಾಟ; ಮಹಿಳೆಯ ಹಾಸಿಗೆಯೊಳಗೆ ನುಸುಳಿದ ಖದೀಮ! ಹಾವೇರಿ: ನಗರದ ಜಿಲ್ಲಾಸ್ಪತ್ರೆಯ ವಾರ್ಡ್‌ನಲ್ಲಿ ಮಧ್ಯರಾತ್ರಿ ಕಳ್ಳನೊಬ್ಬ ವಿಚಿತ್ರ ರೀತಿಯಲ್ಲಿ ಕಳ್ಳತನಕ್ಕೆ ಯತ್ನಿಸಿರುವ ಘಟನೆ ಬೆಳಕಿಗೆ ಬಂದಿದೆ. ಮಹಿಳೆಯ ಪಕ್ಕದಲ್ಲೇ…

    ಹಾವೇರಿ ಮಹಿಳಾ ಕಾಂಗ್ರೆಸ್‌ನಿಂದ ಇಂದಿರಾ ಗಾಂಧಿ ಜನ್ಮದಿನಾಚರಣೆ!

    Share this… Facebook Pinterest Twitter Linkedin Whatsappಹಾವೇರಿಯಲ್ಲಿ ಇಂದಿರಾ ಗಾಂಧಿ ಜನ್ಮದಿನಾಚರಣೆ: ಮಾಜಿ ಪ್ರಧಾನಿಯ ಕೊಡುಗೆ ಸ್ಮರಿಸಿದ ಮಹಿಳಾ ಕಾಂಗ್ರೆಸ್ ಮುಖಂಡರು ಹಾವೇರಿ: ಭಾರತದ ಮಾಜಿ ಪ್ರಧಾನಮಂತ್ರಿ ಹಾಗೂ ಉಕ್ಕಿನ ಮಹಿಳೆ ಎಂದೇ ಖ್ಯಾತರಾಗಿದ್ದ ದಿವಂಗತ ಇಂದಿರಾ ಗಾಂಧಿಯವರ ಜನ್ಮದಿನದ…

    You cannot copy content of this page