ಹಬ್ಬದ ಪೂಜಾ ವ್ಯಾಪಾರ: ಆಪಿ ಅಡಕೆಗೆ ದಾಖಲೆಯ ದರ

ಯಲ್ಲಾಪುರದ ಅಡಕೆ ಮಾರುಕಟ್ಟೆಯ ಇತಿಹಾಸದಲ್ಲೇ ದಾಖಲೆಯ ದರದಲ್ಲಿ ಬುಧವಾರ ಅಡಕೆ ವಿಕ್ರಿಯಾಗಿದೆ.
ದೀಪಾವಳಿಯ ಪೂಜಾ ವ್ಯಾಪಾರದಯ ಆಪಿ ಅಡಕೆ 99,779 ರೂ ದರದಲ್ಲಿ ವಿಕ್ರಿಯಾಗಿದ್ದು, ಮಲವಳ್ಳಿಯ ಗೋಪಾಲಕೃಷ್ಣ ರಾಮಚಂದ್ರ ಭಟ್ಟ ಅವರ ಬೆಳೆಗೆ ಈ ದರ ಲಭಿಸಿದೆ.

ಯಲ್ಲಾಪುರ ಓ‌ಂಕಾರ ಟ್ರೇಡಿಂಗ್ ಕಂಪನಿಯಲ್ಲಿ ಅಡಕೆ ವಿಕ್ರಿ ಮಾಡದ ಭಟ್ಟರನ್ನು, ಹೆಚ್ಚಿನ ದರ ಪಡೆದ ಹಿನ್ನೆಲೆಯಲ್ಲಿ ಕಂಪನಿಯಿಂದ ಗಿರೀಶ ಭಟ್ಟ ಅವರು ಗೌರವಿಸಿ, ಅಭಿನಂದಿಸಿದರು.

ಈ ಬಾರಿ ವ್ಯಾಪಕವಾಗಿ ಹಬ್ಬಿರುವ ಎಲೆಚುಕ್ಕೆ ರೋಗ, ಅಲ್ಲಲ್ಲಿ ಕಂಡು ಬಂದಿರುವ ಕೊಳೆರೋಗದ ನಡುವೆ ಬೆಳೆ ಕಡಿಮೆಯಾಗಿದೆ. ಇರುವ ಬೆಳೆಯನ್ನಾದರೂ ಉಳಿಸಿಕೊಂಡರೆ, ಉತ್ತಮ ದರ ಪಡೆಯಬಹುದೆಂಬ ಆಶಾಭಾವ ರೈತರಲ್ಲಿ ಮೂಡಿದೆ.