Kiran Reporter Haveri
ಕೆಡಿಸಿಸಿ ಬ್ಯಾಂಕಿಗೆ ಕಾರು ಖರೀದಿಸುವುದಾಗಿ ತಿಳಿಸಿ ನಕಲಿ ದಾಖಲೆ ನೀಡಿ ಕೋಟಿ ಲೆಕ್ಕಾಚಾರದಲ್ಲಿ ಹಣ ಪಡೆದಿದ್ದ ಬಹುತೇಕರು ಪ್ರತಿ ತಿಂಗಳು 5ನೇ ತಾರಿಕಿನ ಒಳಗೆ ಸಾಲದ ಕಂತು ಮರು ಪಾವತಿ ಮಾಡುತ್ತಿದ್ದರು. ಹೀಗಾಗಿಯೇ ಅವರ ಮೇಲೆ ಯಾರಿಗೂ ಅನುಮಾನ ಬಂದಿರಲಿಲ್ಲ!
`ನಕಲಿ ಚಾವಿ, ನಕಲಿ ನೊಂದಣಿ ಸಂಖ್ಯೆ, ನಕಲಿ ಕಾಗದಪತ್ರಗಳನ್ನು ನೀಡಿ 42 ಕಾರುಗಳ ಖರೀದಿಗೆ ಹಣ ಪಡೆಯಲಾಗಿದೆ. ಆ ಪೈಕಿ 22 ಕಾರಿನ ಸಾಲದ ಮೊತ್ತ ಬಡ್ಡಿಸಹಿತ ವಸೂಲಿ ಆಗಿದ್ದು, ಉಳಿದ ಹಣವನ್ನು ಸಹ ವಸೂಲಿ ಮಾಡಲಾಗುತ್ತದೆ’ ಎಂದು ಬ್ಯಾಂಕಿನ ಅಧ್ಯಕ್ಷ ಶಿವರಾಮ ಹೆಬ್ಬಾರ್ ಹೇಳಿದ್ದಾರೆ. `ಒಟ್ಟು 3.40 ಕೋಟಿ ರೂ ಅವ್ಯವಹಾರ ನಡೆದಿದೆ. ಆದರೆ, ಇದರಲ್ಲಿ ಬ್ಯಾಂಕ್ ಸಿಬ್ಬಂದಿ ಪಾತ್ರ ಏನೂ ಇಲ್ಲ’ ಎಂದವರು ಸಮರ್ಥಿಸಿಕೊಂಡಿದ್ದಾರೆ.
`ಇನ್ನೂ 17 ಕಾರುಗಳ ಮೊತ್ತ ಬಾಕಿ ಇದೆ. ಪತ್ರಕರ್ತರು ಎಂದು ಹೇಳಿಕೊಳ್ಳುವವರ ಜೊತೆ ಕೆಲ ಪ್ರತಿಷ್ಠಿತರು ಈ ಹಗರಣದಲ್ಲಿದ್ದು ಯಾರನ್ನು ಕ್ಷಮಿಸುವುದಿಲ್ಲ. ಈಗಾಗಲೇ ಪೊಲೀಸರು ಕೆಲವರನ್ನು ಬಂಧಿಸಿದ್ದಾರೆ’ ಎಂದವರು ಹೇಳಿದರು. `ಬ್ಯಾಂಕಿಗೆ ಮೋಸ ಮಾಡಿದ ವಿಷಯದಲ್ಲಿ ರಾಜಿಯೂ ಇಲ್ಲ. ಹಸ್ತಕ್ಷೇಪವನ್ನು ಮಾಡಲ್ಲ’ ಎಂದರು.
ಇನ್ಮುoದೆ ಈ ರೀತಿ ಅಪರಾತಪರಾ ಆಗದಂತೆ ತಡೆಯಲು ಎಜನ್ಸಿ ನೇಮಿಸುವ ಬಗ್ಗೆ ಚಿಂತನೆಯಲ್ಲಿದ್ದು, ಕಾರು ಪಡೆದ ನಂತರ ಅದರ ಫೋಟೋ ಮಾಹಿತಿ ಬ್ಯಾಂಕಿಗೆ ಸಲ್ಲಿಕೆಯಾಗಲಿದೆ.
