ಹೊನ್ನಾವರ: ಕಾಸರಕೋಡಿನ ಹೀರೆಮಠದ ಮಾಕ್ಸಿನ್ ಫರ್ನಾಂಡಿಸ್ (32) ಎಂಬಾತರು ಸ್ನಾನಕ್ಕೆ ಹೋದಾಗ ಬಾತ್ ರೂಮಿನಲ್ಲಿ ಕಾಲು ಜಾರಿ ಬಿದ್ದು ಸಾವನಪ್ಪಿದ್ದಾರೆ.
ಅಕ್ಟೊಬರ್ 24ರಂದು ಮಧ್ಯಾಹ್ನ 3 ಗಂಟೆಯ ಅವಧಿಗೆ ಮಾಕ್ಸಿನ್ ಬಾತ್ ರೂಂ ಒಳಗೆ ಹೋಗಿದ್ದ. ಸಂಜೆ 5 ಗಂಟೆ ಆದರೂ ಆತ ಹೊರಗೆ ಬಂದಿರಲಿಲ್ಲ. ಅನುಮಾನಗೊಂಡು ಪರಿಶೀಲನೆ ನಡೆಸಿದಾಗ ಆತ ಕಾಲು ಜಾರಿ ಬಿದ್ದು ಸಾವನಪ್ಪಿರುವುದು ಗೊತ್ತಾಗಿದೆ.
ಕಳೆದ ಎರಡು ವರ್ಷದಿಂದ ಮಾನಸಿಕ ರೋಗದಿಂದ ಬಳಲುತ್ತಿದ್ದ ಆತನಿಗೆ ಚಿಕಿತ್ಸೆ ನೀಡಲಾಗಿತ್ತು. ಮಂಗಳೂರು, ಮಣಿಪಾಲ್ ಹಾಗೂ ಸ್ಥಳೀಯವಾಗಿಯೂ ಚಿಕಿತ್ಸೆ ಕೊಡಿಸಲಾಗಿತ್ತು. ಪ್ರಸ್ತುತ ಮಗನ ಸಾವಿನ ಬಗ್ಗೆ ಗಿರಿಗೋಲಾ ಫರ್ನಾಂಡಿಸ್ ಪೊಲೀಸ್ ದೂರು ನೀಡಿದ್ದಾರೆ.
