ಸಂಚಾರಿ ನಿಯಮ ಉಲ್ಲಂಘಿಸಿದ ಸಮಾಜ ಸೇವಕ!

ಅಂಕೋಲಾ: ಬಾಳೆಗುಳಿ ಕ್ರಾಸಿನಿಂದ ವೇಗವಾಗಿ ಕಾರು ಓಡಿಸಿಕೊಂಡು ಬಂದ ಕೇರಳದ ವ್ಯಕ್ತಿಯೊಬ್ಬ ತಮಿಳುನಾಡಿನ ಲಾರಿಗೆ ಗುದ್ದಿದ್ದು, ಎರಡು ವಾಹನ ಜಖಂ ಆಗಿದೆ. ಜೊತೆಗೆ ಕಾರಿನಲ್ಲಿದ್ದ ದಂಪತಿಗೆ ಗಾಯವಾಗಿದೆ.

ಅಕ್ಟೊಬರ್ 26ರ ಬೆಳಗ್ಗೆ 4.30ರ ವೇಳೆಗೆ ಕೇರಳದ ಸಮಾಜ ಸೇವಕ ಡಿಕೇನ್ಸ ಎಂ ಪಿ ನಿದ್ದೆಗಣ್ಣಿನಲ್ಲಿ ಕಾರು ಓಡಿಸುತ್ತಿದ್ದರು. ನೀಲಂಪುರ ಕ್ರಾಸಿನ ಬಳಿ ಯಾವುದೇ ಸಿಗ್ನಲ್ ನೀಡದೇ ಏಕಾಏಕಿ ಅವರು ಕಾರನ್ನು ಬಲಕ್ಕೆ ತಿರುಗಿಸಿದ್ದು, ಎದುರಿನಿಂದ ಬರುತ್ತಿದ್ದ ಲಾರಿಗೆ ತಮ್ಮ ಕಾರು ಗುದ್ದಿದ್ದಾರೆ.

Advertisement. Scroll to continue reading.

ಪರಿಣಾಮ ಡಿಕೇನ್ಸ ಅವರ ಕೈ ಬೆರಳು ಹಾಗೂ ಎದೆಗೆ ಗಾಯವಾಗಿದೆ. ಜೊತೆಗೆ ಕಾರಿನಲ್ಲಿದ್ದ ಅವರ ಪತ್ನಿ ಅಣ್ಣಮ್ಮ ಅವರಿಗೂ ಎದೆ ಹಾಗೂ ಕಾಲಿಗೆ ಗಾಯವಾಗಿದೆ. ತಮಿಳುನಾಡಿನ ಲಾರಿ ಚಾಲಕ ಆರುಮುಗಂ ಈ ಬಗ್ಗೆ ಪೊಲೀಸ್ ದೂರು ನೀಡಿದ್ದಾರೆ.

Advertisement. Scroll to continue reading.