ಪೊಲೀಸ್ ದೂರಿನ ನಂತರ ಮನೆಗೆ ಮರಳಿದ ಮಗ!

ಅಂಕೋಲಾ: ಮಾದನಗೇರಿಯ ಮನೋಜ ಶಿರಾಳಕೊಪ್ಪ (19) ಎಂಬಾತ ಏಕಾಏಕಿ ಮನೆಯಿಂದ ಕಾಣೆಯಾಗಿದ್ದು, ಪಾಲಕರು ಪೊಲೀಸ್ ದೂರು ನೀಡಿದ ನಂತರ ಆತ ಮನೆಗೆ ಮರಳಿದ್ದಾನೆ.

Advertisement. Scroll to continue reading.

ಕೂಲಿ ಕೆಲಸಕ್ಕೆ ಹೋಗುತ್ತಿದ್ದ ಮನೋಜ್ ಕೆಲಸ ಬಿಟ್ಟು ಸ್ನೇಹಿತರ ಜೊತೆ ಎಲ್ಲೆಂದರಲ್ಲಿ ತಿರುಗಾಟ ನಡೆಸಿದ್ದ. `ಈ ರೀತಿ ಮಾಡಬೇಡ’ ಎಂದು ಮನೆಯವರು ಬುದ್ದಿ ಹೇಳಿದ್ದರು. ಇದರಿಂದ ಸಿಟ್ಟಾದ ಆತ ಅಕ್ಟೊಬರ್ 19ರಂದು ರಾತ್ರಿ 9 ಗಂಟೆ ವೇಳೆಗೆ ಮನೆ ಬಿಟ್ಟು ಹೋಗಿದ್ದ. ಎಲ್ಲಿ ಹುಡುಕಿದರೂ ಆತನ ಸುಳಿವು ಸಿಕ್ಕಿರಲಿಲ್ಲ. ಹೀಗಾಗಿ ಮನೋಜನ ತಂದೆ ರಮೇಶ ಶಿರಾಳಕೊಪ್ಪ ಅಕ್ಟೊಬರ್ 26ರ ಸಂಜೆ ಪೊಲೀಸ್ ದೂರು ನೀಡಿದ್ದರು.

ಅಕ್ಟೊಬರ್ 27ರ ಸಂಜೆ 4 ಗಂಟೆಗೆ ಆತನ ಮನೆಗೆ ಮರಳಿದ್ದಾನೆ. ಹುಷಾರಿಲ್ಲದೇ ಮಲಗಿದ್ದ ತಾಯಿ `ಎಲ್ಲಿ ಹೋಗಿದ್ದೆ ಇಷ್ಟು ದಿನ?’ ಎಂದು ಆತನನ್ನು ಪ್ರಶ್ನಿಸಿದರೂ ಆತ ಮಾತನಾಡಿಲ್ಲ. ಮನೆಗೆ ಮರಳಿದ ಆತ ಮತ್ತೆ ಸ್ನೇಹಿತರ ಜೊತೆ ಹೊರಗೆ ಹೋಗಿರುವ ಬಗ್ಗೆ ಪ್ರತ್ಯಕ್ಷದರ್ಶಿಗಳು ಮಾಹಿತಿ ನೀಡಿದರು.

Advertisement. Scroll to continue reading.