ಸೋರುತಿಹುದು ಸರ್ಕಾರಿ ಕಚೇರಿ!

ಜೋಯಿಡಾ: ಇಲ್ಲಿನ ಮಹಿಳಾ ಮತ್ತು ಮಕ್ಕಳ ಕಲ್ಯಾಣ ಇಲಾಖೆ ಕಟ್ಟಡ ಮಳೆಗಾಲದಲ್ಲಿ ಸೋರುತ್ತದೆ. ಬೇಸಿಗೆಯಲ್ಲಿ ಬೆವರುತ್ತದೆ. ಒಟ್ಟಿನಲ್ಲಿ ಶಿಥಿಲಗೊಂಡ ಕಚೇರಿ ಯಾವಾಗ ಬೀಳುತ್ತದೆ? ಎಂಬ ಆತಂಕದಲ್ಲಿ ನೌಕರರು ಕೆಲಸ ಮಾಡುತ್ತಿದ್ದಾರೆ.

ಜೊಯಿಡಾದಲ್ಲಿ 200ಕ್ಕೂ ಅಧಿಕ ಅಂಗನವಾಡಿಗಳಿವೆ. ನಿತ್ಯ ಕಚೇರಿ ಕೆಲಸಕ್ಕಾಗಿ ಆ ಭಾಗದ ಜನ-ಶಿಕ್ಷಕರು ಬರುತ್ತಾರೆ. ಹೀಗೆ ಬಂದವರಿಗೆ ಅಲ್ಲಿ ಸರಿಯಾದ ವ್ಯವಸ್ಥೆಗಳಿಲ್ಲ. ಕಚೇರಿ ಗೋಡೆ ಬಿರುಕು ಮೂಡಿದ್ದು, ಅಪಾಯದ ಮುನ್ಸೂಚನೆ ಇದ್ದರೂ ಕ್ರಮವಾಗಿಲ್ಲ.

Advertisement. Scroll to continue reading.

ಸಿಬ್ಬಂದಿ ಕೆಲಸ ಮಾಡುವ ಕೊಠಡಿ ನೆಲದಿಂದ ತುದಿಯವರೆಗೂ ಬಿರುಕು ಮೂಡಿದೆ. ಮೇಲ್ಚಾವಣಿ ಸಹ ಸೋರುವುದು ಕಾಣುತ್ತದೆ. ಆದರೂ, ಹೊಸ ಕಟ್ಟಡ ನಿರ್ಮಿಸಲು ಸರ್ಕಾರ ಆಸಕ್ತಿವಹಿಸಿಲ್ಲ.