ಅಂದರ್ ಬಾಹರ್ | ಕಟ್ಟಡ ಕಾರ್ಮಿಕರ ಮೇಲೆ ಪೊಲೀಸರ ದಾಳಿ

ಹಳಿಯಾಳ: ಕೆಂಪು ಬಣ್ಣದ ಪ್ಲಾಸ್ಟಿಕ್ ಚೀಲ ಹಾಸಿಕೊಂಡು ಅಂದರ್ ಬಾಹರ್ ಆಡುತ್ತಿದ್ದ ಏಳು ಜನರ ಮೇಲೆ ಪೊಲೀಸರು ದಾಳಿ ನಡೆಸಿದ್ದಾರೆ. ಈ ದಾಳಿಯಲ್ಲಿ ಸಿಕ್ಕಿಬಿದ್ದ ಎಲ್ಲರೂ ಒಂದೇ ಊರಿನವರು.. ಒಂದೇ ವೃತ್ತಿಯವರು!

Advertisement. Scroll to continue reading.

ನವೆಂಬರ್ 3ರ ರಾತ್ರಿ ತೇರಗಾಂವ್’ನ ಬಸವರಾಜ ಪರಶುರಾಮ ಕುರುಬರ, ಅನಿಲ್ ಭೀಮಣ್ಣ ಸುಣಗಾರ, ರಾಜು ಶಿವಾಜಿ ಪಾಟೀಲ್, ಶ್ರೀಧರ ಜಿನ್ನಪ್ಪ ಕರಡಿ, ಪರಶುರಾಮ ಪಕೀರಪ್ಪ ಸುಣಗಾರ, ಅಲ್ತಾಪ್ ಇಸ್ಮಾನಸಾಬ್ ಹಾಗೂ ಯಡುಗಾದ ಪಕೀರ ಪುಂಡ್ಲಿಕ್ ಮೊಟಗಾರ ಇಸ್ಪಿಟ್ ಆಡುತ್ತಿದ್ದರು.

Advertisement. Scroll to continue reading.

ಇವರೆಲ್ಲರೂ ಗೌಂಡಿ ಕೆಲಸ ಮಾಡಿ ಬದುಕು ಕಟ್ಟಿಕೊಂಡವರು. ದೀಪಾವಳಿ ಹಬ್ಬದ ಹಿನ್ನಲೆ ಜೂಜಾಡುತ್ತಿದ್ದರು. ತೇರಗಾಂವ್ ದೊಡ್ಡಬಾವಿಗೆ ತೆರಳುವ ಸಾರ್ವಜನಿಕ ರಸ್ತೆ ಅಂಚಿನಲ್ಲಿ ತಡರಾತ್ರಿಯರೆಗೂ ಅವರು ಕುಳಿತಿದ್ದರು. ಹಳಿಯಾಳ ಪಿಎಸ್‌ಐ ಅಮೀನಸಾಬ್ ಅತ್ತರ ತಮ್ಮ ಸಿಬ್ಬಂದಿ ಜೊತೆ ದಾಳಿ ನಡೆಸಿದಾಗ ಜೂಜಾಟಕ್ಕೆ ಬಳಸಿದ್ದ 9250ರೂ ಹಣ ಸಿಕ್ಕಿದೆ. ಇಸ್ಪಿಟ್ ಎಲೆಗಳ ಜೊತೆ ಇನ್ನಿತರ ಪರಿಕ್ಕರಗಳನ್ನು ಅವರು ವಶಕ್ಕೆ ಪಡೆದಿದ್ದಾರೆ.