ಹೊನ್ನಾವರ: ಮುರುಡೇಶ್ವರದಿಂದ ಹೊನ್ನಾವರ ಕಡೆ ಚಲಿಸುತ್ತಿದ್ದ ಬೈಕಿಗೆ ದನ ಡಿಕ್ಕಿಯಾಗಿದ್ದು, ಬೈಕಿನಲ್ಲಿದ್ದ ಇಬ್ಬರು ಗಾಯಗೊಂಡಿದ್ದಾರೆ.
ನ 10ರ ಸಂಜೆ 6.30ಕ್ಕೆ ಬಂದರ್ ರೋಡಿನ ಫೈಜಲ್ ರೆಹಮಾನ್ ಶೇಖ್ ಎಂಬಾತರು ಶೇಖ್ ಹೈದರ್ ಮಹಮದ್ ರಫಿಕ್ ಎಂಬಾತರನ್ನು ಬೈಕಿನಲ್ಲಿ ಕೂರಿಸಿಕೊಂಡು ಹೊರಟಿದ್ದರು. ಹೆದ್ದಾರಿಯಲ್ಲಿ ದನ ದಾಡುತ್ತಿದ್ದು, ವೇಗದಲ್ಲಿದ್ದ ಬೈಕನ್ನು ಫೈಜಲ್ ಬಳಿ ನಿಯಂತ್ರಿಸಲು ಆಗಲಿಲ್ಲ.
ಹೀಗಾಗಿ ದನಕ್ಕೆ ಬೈಕ್ ಗುದ್ದಿದ ರಭಸಕ್ಕೆ ಬೈಕಿನಲ್ಲಿದ್ದ ಇಬ್ಬರೂ ನೆಲಕ್ಕೆ ಅಪ್ಪಳಿಸಿದರು. ಇದರಿಂದ ಹೈದರ್ ಮಹಮದ್ ಅವರ ತಲೆಗೆ ಪೆಟ್ಟಾಗಿದೆ. ಇಬ್ಬರಿಗೂ ಬುಜ ಹಾಗೂ ಕಾಲಿಗೆ ಗಾಯವಾಗಿದೆ.
