ಮಣಿಪಾಲ್'ಗೆ ಹೋದರೂ ಬದುಕದ ಮೀನುಗಾರ

ಮಣಿಪಾಲ್’ಗೆ ಹೋದರೂ ಬದುಕದ ಮೀನುಗಾರ

ಅಂಕೋಲಾ: ಶಿರೂರಿನ ಸಿಮೆಂಟ್ ರಸ್ತೆಯಲ್ಲಿ ಬೈಕ್ ಓಡಿಸುತ್ತಿದ್ದ ಸಂತೋಷ ಹರಿಕಂತ್ರ (34) ದನ ಅಡ್ಡ ಬಂದ ಪರಿಣಾಮ ಬಿದ್ದು ಸಾವನಪ್ಪಿದ್ದಾರೆ.

ಮಾದನಗೇರಿಯ ಸಂತೋಷ ಹರಿಕಂತ್ರ ಅವರು ಮೀನುಗಾರಿಕೆ ನಡೆಸಿ ಬದುಕು ಕಟ್ಟಿಕೊಂಡಿದ್ದರು. ನ 17ರಂದು ಅವರು ಶಿರೂರು ಭಾಗದಲ್ಲಿ ವೇಗವಾಗಿ ಬೈಕ್ ಓಡಿಸುತ್ತಿದ್ದರು. ಆಗ ಏಕಾಏಕಿ ದನ ಅಡ್ಡ ಬಂದಿದ್ದರಿoದ ಬೈಕ್ ನಿಯಂತ್ರಿಸಲಾಗದೇ ಬೈಕಿನಿಂದ ಬಿದ್ದರು.

Advertisement. Scroll to continue reading.

ಪರಿಣಾಮ ಮುಖ, ಎದೆ, ಕಾಲುಗಳಿಗೆ ಗಂಭೀರ ಪ್ರಮಾಣದಲ್ಲಿ ಪೆಟ್ಟಾಗಿದ್ದು, ಕಾರವಾರ ಜಿಲ್ಲಾ ಆಸ್ಪತ್ರೆಗೆ ಅವರನ್ನು ದಾಖಲಿಸಲಾಗಿತ್ತು. ನಂತರ ಅಲ್ಲಿಂದ ಮಣಿಪಾಲ್ ಕಸ್ತೂರಿಬಾ ಆಸ್ಪತ್ರೆಗೆ ದಾಖಲಿಸಲಾಯಿತು. ಆದರೂ, ಅವರನ್ನು ಬದುಕಿಸಿಕೊಳ್ಳಲು ಸಾಧ್ಯವಾಗಲಿಲ್ಲ. ನ 18ರಂದು ಅವರು ಸಾವನಪ್ಪಿದರು.