ಸರ್ಕಾರಿ ಬಸ್ಸು ಧಗ ಧಗ!

ಕುಮಟಾ: ಬಸ್ ಡಿಪೋದಲ್ಲಿ ನಿಲ್ಲಿಸಿದ್ದ ಸಾರ್ವಜನಿಕ ಬಸ್ಸು ಬೆಂಕಿಗೆ ಆಹುತಿಯಾಗಿದೆ. ಬಸ್ಸಿನ ಅಗ್ನಿಸ್ಪರ್ಶಕ್ಕೆ ಈವರೆಗೂ ಕಾರಣ ಗೊತ್ತಾಗಿಲ್ಲ.

Advertisement. Scroll to continue reading.

ರವಿವಾರ ಸಂಜೆ ಸಂಚಾರ ಮುಗಿಸಿ ಡಿಪೋ ಸೇರಿದ ಬಸ್ಸು ಅಲ್ಲಿ ವಿಶ್ರಾಂತಿ ಪಡೆಯುತ್ತಿತ್ತು. ಬಸ್ಸು ಚಾಲಕ ಸಹ ಬಸ್ಸಿನ ಬಾಗಿಲು-ಕಿಟಕಿ ಬಂದ್ ಮಾಡಿ ಮನೆಗೆ ಹೋಗಿದ್ದರು. ಸೋಮವಾರ ನಸುಕಿನ 2 ಗಂಟೆ ವೇಳೆಗೆ ಬಸ್ ಡಿಪೋದಲ್ಲಿ ಬೆಂಕಿಯ ಜ್ವಾಲೆ ಕಾಣಿಸಿದೆ. ಇಡೀ ಬಸ್ಸು ಹೊತ್ತಿ ಉರಿದಿದೆ.

ಬಸ್ ಡಿಪೋದಲ್ಲಿದ್ದ ಮೆಕಾನಿಕ್ ಬಸ್ಸು ಉರಿಯುತ್ತಿರುವುದನ್ನು ಗಮನಿಸಿ ಅಗ್ನಿಶಾಮಕ ಸಿಬ್ಬಂದಿಗೆ ಫೋನ್ ಮಾಡಿದರು. ಈ ವೇಳೆಗೆ ಪೊಲೀಸರು ಸಹ ಸ್ಥಳಕ್ಕೆ ಬಂದರು. ಅಗ್ನಿಶಾಮಕ ಸಿಬ್ಬಂದಿ ಬೆಂಕಿ ಆರಿಸುವ ಪ್ರಯತ್ನ ನಡೆಸಿದರೂ ಬಸ್ಸು ಸುಟ್ಟು ಕರಕಲಾಗಿತ್ತು. ಬಸ್ಸಿಗೆ ಬೆಂಕಿ ಬೀಳಲು ಕಾರಣವೇನು? ಎಂಬ ಬಗ್ಗೆ ತನಿಖೆ ನಡೆಯುತ್ತಿದೆ.

Advertisement. Scroll to continue reading.