ಯಲ್ಲಾಪುರ: ಮೈಸೂರು ವಿಶ್ವ ವಿದ್ಯಾಲಯದಿಂದ ರ್ಯಾಂಕ್ ಪಡೆದ ಸೀಮಾ ಹೆಗಡೆ ಅವರು 10 ಚಿನ್ನದ ಪದಕ ಪಡೆದಿದ್ದಾರೆ. ಅವರ ಸಾಧನೆ ಗುರುತಿಸಿ ಹವ್ಯಕ ಸಮ್ಮೇಳನದಲ್ಲಿ ಗೌರವಿಸಲಾಗಿದೆ.
ಸೀಮಾ ಹೆಗಡೆ ಅವರು ಯಲ್ಲಾಪುರ ತಾಲೂಕಿನ ಕಳಚೆಯವರಾಗಿದ್ದು, ಪ್ರಸ್ತುತ ಕಾಸರಗೋಡಿನಲ್ಲಿ ವಾಸವಾಗಿದ್ದಾರೆ. ಜೊತೆ ಬೆಂಗಳೂರಿನ ಅರಮನೆ ಮೈದಾನದಲ್ಲಿ ನಡೆದ ವಿಶ್ವ ಹವ್ಯಕ ಸಮ್ಮೇಳನದಲ್ಲಿ ಅವರ ಸಾಧನೆ ಗುರುತಿಸಿ ಪ್ರೋತ್ಸಾಹಿಸಲಾಯಿತು. ತಂದೆ ಶ್ಯಾಮ ಹೆಗಡೆ ಹಾಗೂ ತಾಯಿ ಶಿಲ್ಪಾ ಹೆಗಡೆ ಅವರ ಜೊತೆ ಸಮ್ಮೇಳನದಲ್ಲಿ ಭಾಗವಹಿಸಿದ ಸೀಮಾ ಹೆಗಡೆ `ವಿದ್ಯಾ ರತ್ನ ಪ್ರಶಸ್ತಿ’ ಸ್ವೀಕರಿಸಿದರು.
ಬಾಲ್ಯದಿಂದಲೂ ಪ್ರತಿಭಾನ್ವಿತರಾಗಿದ್ದ ಸೀಮಾ ಹೆಗಡೆ ಅವರು ಓದಿನಲ್ಲಿಯೂ ಸದಾ ಚುರುಕಾಗಿದ್ದರು. ಸ್ನಾತಕೋತ್ತರದ ಪದವಿಯ ರಶಿಯನ್ ಹಾಗೂ ಜರ್ಮನ್ ಭಾಷೆಯ ಪರೀಕ್ಷೆಯಲ್ಲಿ ಶೇ 100ರ ಸಾಧನೆ ಮಾಡಿದ್ದಾರೆ. ಅವರು ದೂರದರ್ಶನದಲ್ಲಿ ಸಹ ಕನ್ನಡ ಹಾಗೂ ಮಲಿಯಾಳಂ ಭಾಷೆಯಲ್ಲಿ ಹಾಡಿದ್ದಾರೆ. ಭಗವದ್ಘೀತೆ ಸ್ಪರ್ಧೆಗಳಲ್ಲಿ ಸಹ ಅವರು ಸಾಧನೆ ಮಾಡಿದ್ದಾರೆ.
