ಅಂಕೋಲಾ: ಮದುವೆಯಾಗಿ 11 ವರ್ಷವಾದರೂ ಮಕ್ಕಳಾಗದ ಕಾರಣ ಮಹಿಳೆಯೊಬ್ಬರು ಸಾವನಪ್ಪಿದ್ದಾರೆ.
ಹಾವೇರಿಯ ತುಕಪ್ಪ ಲಮಾಣಿ ಅವರು ಶೋಭಾ ಲಮಾಣಿ ಅವರನ್ನು ಮದುವೆ ಆಗಿದ್ದರು. ಟೈಲ್ಸ ಕೆಲಸ ಮಾಡುವ ತುಕಪ್ಪ ಅವರು ಅಂಕೋಲಾದ ಹನ್ಮಟ್ಟಾದಲ್ಲಿ ವಾಸವಾಗಿದ್ದರು. ಈ ದಂಪತಿಗೆ ಮಕ್ಕಳಾಗಿರಲಿಲ್ಲ. ಹೀಗಾಗಿ ಶೋಭಾ ಅವರು ಅದೇ ಕೊರಗಿನಲ್ಲಿರುತ್ತಿದ್ದರು.
ಜನವರಿ 8ರಂದು ಮನೆ ಒಳಗಡೆಯಿಂದ ಚಿಲಕ ಹಾಕಿದ ಶೋಭಾ ಅವರು ಕೋಣೆಗೆ ತೆರಳಿ ಅಲ್ಲಿನ ಫ್ಯಾನಿಗೆ ನೇಣು ಹಾಕಿಕೊಂಡಿದ್ದಾರೆ. ಮಧ್ಯಾಹ್ನ ಊಟದ ಸಮಯದಲ್ಲಿ ಇದನ್ನು ನೋಡಿದ ತೂಕಪ್ಪ ಲಮಾಣಿ ಅವರನ್ನು ಕೆಳಗಿಳಿಸಿದರು. ಆದರೆ, ಅಷ್ಟರೊಳಗೆ ಶೋಭಾ ಅವರು ಸಾವನಪ್ಪಿದ್ದರು.
