ಜೊಯಿಡಾ: ಕಳೆದ 20 ವರ್ಷಗಳಿಂದ ಸರಾಯಿ ಕುಡಿಯುತ್ತಿದ್ದ ಡುಮ್ಮಿಂಗ್ ಫರ್ನಾಂಡಿಸ್ ಹಲಸಿನ ಮರಕ್ಕೆ ನೇಣು ಬಿಗಿದುಕೊಂಡಿದ್ದಾರೆ.
ಯರಮುಖದ ಡುಮ್ಮಿಂಗ್ ಫರ್ನಾಂಡಿಸ್’ಗೆ `ಸರಾಯಿ ಕುಡಿಯುವುದು ಒಳ್ಳೆಯದಲ್ಲ’ ಎಂದು ಸಾಕಷ್ಟು ಬಾರಿ ಕುಟುಂಬದವರು ಹೇಳಿದ್ದರು. ಒಮ್ಮೆ ಕಾರವಾರಕ್ಕೆ ಕರೆದೊಯ್ದು ಕುಡಿಯುವ ಚಟವನ್ನು ಬಿಡಿಸಿದ್ದರು. ಅದಾಗಿಯೂ ಡುಮ್ಮಿಂಗ್ ಮತ್ತೆ ಚಟವನ್ನು ಅಂಟಿಸಿಕೊ0ಡಿದ್ದರು.
ಈ ನಡುವೆ ದುಡಿಯುವುದಕ್ಕಾಗಿ ಪೂಣೆಗೆ ಹೋಗಿದ್ದರು. ಅಲ್ಲಿಯೇ ಮದುವೆಯನ್ನು ಆಗಿದ್ದರು. ಆದರೆ, ಒಂದು ವಾರದ ಒಳಗೆ ಪತ್ನಿ ಬಿಟ್ಟು ಹೋಗಿದ್ದರಿಂದ ಖಿನ್ನತೆಗೆ ಒಳಗಾದರು. ಇದೇ ನೋವಿನಲ್ಲಿ ಕೊರಗುತ್ತಿದ್ದ ಅವರು ಜನವರಿ 14ರಂದು ಮನೆ ಹಿಂದಿನ ಹಿತ್ತಲಿನಲ್ಲಿನ ಹಲಸಿನ ಮರಕ್ಕೆ ನೇಣು ಬಿಗಿದುಕೊಂಡು ಸಾವನಪ್ಪಿದರು.
