ಮರಕ್ಕೆ ಗುದ್ದಿದ ದೇವರ ಕಲ್ಲು ಸಾಗಿಸುವ ಲಾರಿ: ಗಟಾರಕ್ಕೆ ಬಿದ್ದ ಕ್ಲೀನರಿಗೆ ಗಾಯ!

ಮುರುಡೇಶ್ವರದಿಂದ ಹುಬ್ಬಳ್ಳಿಗೆ ದೇವರ ಮೂರ್ತಿ ನಿರ್ಮಾಣದ ಕಲ್ಲು ಒಯ್ಯುತ್ತಿದ್ದ ಲಾರಿ ಯಲ್ಲಾಪುರದಲ್ಲಿ ಅಪಘಾತವಾಗಿದೆ.

Advertisement. Scroll to continue reading.

ಭಟ್ಕಳದ ಮುರುಡೇಶ್ವರ ಬಳಿಯ ಉತ್ತರಕೊಪ್ಪದ ನಾಗೇಂದ್ರ ಬಂಡಿಗೇರಿ ಅವರು ಲಾರಿಯೊಂದರಲ್ಲಿ ದೇವರ ಮೂರ್ತಿ ರಚನೆಯ ಕಲ್ಲುಗಳನ್ನು ಸಾಗಿಸುತ್ತಿದ್ದರು. ಆ ಲಾರಿಗೆ ಮುಂಡಗೋಡು ಬಾಚಣಗಿ ಮಜ್ಜಿಗೇರಿಯ ಸೋಮಂತ ದೊಡ್ಡಮನಿ ಅವರು ಕ್ಲೀನರ್ ಆಗಿದ್ದರು. ಮುರುಡೇಶ್ವರದಿಂದ ಹೊರಟ ಲಾರಿ ಯಲ್ಲಾಪುರ ಮಾರ್ಗವಾಗಿ ಹುಬ್ಬಳ್ಳಿಗೆ ಹೋಗಬೇಕಿದ್ದು, ಇಡಗುಂದಿಯ ಬಳಿ ಅಪಘಾತವಾಯಿತು.

ಇಡಗುಂದಿ ಶಾಲೆಯ ಬಳಿ ರಸ್ತೆ ಪಕ್ಕದ ಗಿಡಕ್ಕೆ ಲಾರಿ ಡಿಕ್ಕಿಯಾಯಿತು. ನಂತರ ಆ ಲಾರಿ ಗಟಾರಕ್ಕೆ ಉರುಳಿತು. ಈ ಅಪಘಾತದಲ್ಲಿ ಕ್ಲೀನರ್ ಸೋಮಂತ ದೊಡ್ಡಮನಿ ಗಾಯಗೊಂಡರು. ಲಾರಿಯೂ ಜಖಂ ಆಯಿತು. ಚಿಕಿತ್ಸೆಪಡೆದ ಸೋಮಂತ ಅವರು ಲಾರಿ ಮಾಲಕರಿಗೆ ಈ ಬಗ್ಗೆ ತಿಳಿಸಿದರು. ಚಾಲಕನ ದುಡುಕುತನವೇ ಅಪಘಾತಕ್ಕೆ ಕಾರಣ ಎಂದು ಪೊಲೀಸರಿಗೂ ದೂರು ನೀಡಿದರು.