ಕೆಸರಾಟದಲ್ಲಿ ಖುಷಿ ಕಂಡ ಗ್ರಾಮೀಣ ಜನ!

ಕೆರವಡಿ ಹಾಗೂ ದೇವಳಮಕ್ಕಿಯ ಯುವ ಜನ ಗದ್ದೆಗೆ ಇಳಿದು ಪರಸ್ಪರ ಕೆಸರು ಎರೆಚಿಕೊಂಡರು. ಅವರು ಯಾವುದೋ ದ್ವೇಷಕ್ಕಾಗಿ ಕೆಸರಾಟ ನಡೆಸಿದ್ದಲ್ಲ, ಪರಸ್ಪರ ಪ್ರೀತಿ-ವಿಶ್ವಾಸಕ್ಕಾಗಿ ಕೆಸರು ಗದ್ದೆ ಕ್ರೀಡಾಕೂಟ ಆಯೋಜಿಸಿ ಉತ್ಸಾಹದಿಂದ ಭಾಗವಹಿಸಿದ್ದರು.
ಕಳೆದ ಮೂರು ವರ್ಷಗಳಿಂದ ಕಾರವಾರದ ದೇವಳಮಕ್ಕಿಯಲ್ಲಿ ಕೆಸರುಗದ್ದೆ ಕ್ರೀಡಾಕೂಟ ನಡೆಯುತ್ತಿದೆ. ಗ್ರಾಮೀಣ ಕ್ರೀಡೆ ಉಳಿಸಿ ಬೆಳಸುವ ಉದ್ದೇಶದಿಂದ ನಡೆಯುವ ಈ ಕ್ರೀಡೆಯಲ್ಲಿ ನೂರಾರು ಜನ ಭಾಗವಹಿಸುತ್ತಾರೆ. ಓಟ, ಲಿಂಬು ಚಮಚ, ನಡಿಗೆ, ವಾಲಿಬಾಲ್, ಹಗ್ಗಜಗ್ಗಾಟ ಮೊದಲಾದ ಸ್ಫರ್ಧೆಗಳು ಇಲ್ಲಿ ನಡೆದವು. ಮಕ್ಕಳು, ವಯಸ್ಕರು ಸೇರಿ ಎಲ್ಲರೂ ಕೆಸರುಗದ್ದೆಯಲ್ಲಿ ಬಿದ್ದು ಹೊರಳಾಡಿ ಸಡಗರ ವ್ಯಕ್ತಪಡಿಸಿದರು.
ಕೆಸರುಗದ್ದೆ ಕ್ರೀಡಾಕೂಟದ ವಿಡಿಯೋ ಇಲ್ಲಿ ನೋಡಿ..