ಶಿಖಾರಿಗೆ ಹೋಗಿ ಸಿಕ್ಕಿಬಿದ್ದ: ಮಾಂಸದ ಆಸೆಗೆ ಮುಗ್ದ ಜೀವಿ ಬಲಿ

ಶಿರಸಿ: ಕಾಡಿನಲ್ಲಿ ಸ್ವಚ್ಚಂದವಾಗಿ ಮೇಯುತ್ತಿದ್ದ ಕಾಡು ಕುರಿಯನ್ನು ಕೊಂದ ಮಂಜುನಾಥ ಉಮೇಶ್ ನಾಯ್ಕ ಎಂಬಾತನನ್ನು ಅರಣ್ಯ ಸಿಬ್ಬಂದಿ ವಶಕ್ಕೆ ಪಡೆದಿದ್ದಾರೆ.

ಅಗಸ್ಟ 31ರ ರಾತ್ರಿ ಅಕ್ರಮವಾಗಿ ಅರಣ್ಯ ಪ್ರವೇಶಿಸಿದ ಆರೋಪಿ ಅಲ್ಲಿ ವಿಹರಿಸುತ್ತಿದ್ದ ಕಾಡು ಕುರಿಗೆ ಗುರಿಯಿಟ್ಟಿದ್ದು, ಬಂದೂಕಿನ ಶಬ್ದಕ್ಕೆ ಆ ಜೀವಿ ನಲುಗಿದೆ. ಗುಂಡು ದೇಹದೊಳಗೆ ಪ್ರವೇಶಿಸಿದ ಪರಿಣಾಮ ಕಾಡು ಕುರಿ ಸಾವನಪ್ಪಿದ್ದು, ಅದನ್ನು ಆತ ಹೊತ್ತೊಯ್ಯುತ್ತಿರುವುದನ್ನು ಅರಿತು ಅರಣ್ಯ ಸಿಬ್ಬಂದಿ ದಾಳಿ ನಡೆಸಿದ್ದಾರೆ.

ದೊಡ್ನಳ್ಳಿ ಗ್ರಾಮದಲ್ಲಿ ನಿರಂತರವಾಗಿ ಈತ ಕಾಡು ಪ್ರಾಣಿಗಳ ಮೇಲೆ ಆಕ್ರಮಣ ಮಾಡತ್ತಿದ್ದ ಬಗ್ಗೆ ಇಲಾಖೆಗೆ ಮಾಹಿತಿಯಿತ್ತು. ನೆರಬೈಲ್ ಗ್ರಾಮದ ಮಂಜುನಾಥ ಉಮೇಶ್ ನಾಯ್ಕ’ನನ್ನು ಸಾಕ್ಷಿಸಹಿತ ಸೆರೆ ಹಿಡಿಯಲು ಅರಣ್ಯ ಇಲಾಖೆಯವರು ಹೊಂಚು ಹಾಕಿದ್ದು, ಕಾಡು ಕುರಿ ಮಾಂಸದ ಜೊತೆ ಆತ ಸಿಕ್ಕಿಬಿದ್ದಿದ್ದಾನೆ.

Advertisement. Scroll to continue reading.