6

ಅಕ್ಕನ ಮನೆಗೆ ನುಗ್ಗಿ ರಂಪಾಟ: ರಾಜಿಗೆ ಬಂದವ ರಾಡಿನಿಂದ ಹೊಡೆದ!

ಯಲ್ಲಾಪುರ: ಇಡಗುಂದಿಯ ಗಣೇಶ ಸಿದ್ದಿ ಎಂಬಾತ ಆತನ ಅಕ್ಕ ಶೀಲಾ ಸಿದ್ದಿ ಅವರ ಮನೆಗೆ ನುಗ್ಗಿ ರಂಪಾಟ ನಡೆಸಿದ್ದಾನೆ. ಅಕ್ಕನ ಕೈ ಬೆರಳು ಕಚ್ಚಿದ ಆತ ಕಬ್ಬಿಣದ ರಾಡಿನಿಂದ ತಲೆಗೆ ಹೊಡೆದು ಕೊಲೆ ಪ್ರಯತ್ನವನ್ನು ಮಾಡಿದ್ದಾನೆ.

ಗಣೇಶ ಪೆದ್ರು ಸಿದ್ದಿ (30) ವೃತ್ತಿಯಲ್ಲಿ ಚಾಲಕ. ಆತನಿಗೆ ಗೀತಾ ರವೀಂದ್ರ ಸಿದ್ದಿ (35) ಹಾಗೂ ಶೀಲಾ ಕೃಷ್ಣ ಸಿದ್ದಿ (36) ಎಂಬ ಇಬ್ಬರು ಅಕ್ಕಂದಿರು. ಇಬ್ಬರ ಜೊತೆಯೂ ಆತ ಪದೇ ಪದೇ ಜಗಳ ಮಾಡುತ್ತಿದ್ದ. 2022ರಲ್ಲಿ ಆತ ದೊಡ್ಡದಾಗಿ ಜಗಳ ಮಾಡಿದ ಕಾರಣ ಶೀಲಾ ಸಿದ್ದಿ ಪೊಲೀಸ್ ದೂರು ನೀಡಿದ್ದರು. ಆ ದೂರು ನ್ಯಾಯಾಲಯದಲ್ಲಿ ವಿಚಾರಣೆಯಲ್ಲಿದೆ. ಆ ದೂರಿಗೆ ಸಂಬAಧಿಸಿ `ರಾಜಿ ಮಾಡಿಕೊಳ್ಳೋಣ’ ಎಂದು ಗಣೇಶ ಸಿದ್ದಿ ಅಕ್ಕನಲ್ಲಿ ಹೇಳಿಕೊಂಡಿದ್ದ. ಆದರೆ, ಶೀಲಾ ಸಿದ್ದಿ ಇದಕ್ಕೆ ಒಪ್ಪಿರಲಿಲ್ಲ.

ತನ್ನ ವಿರುದ್ಧ ಪ್ರಕರಣ ದಾಖಲಿಸಿದ ಕಾರಣ ಶೀಲಾ ಸಿದ್ದಿ ಅವರನ್ನು ಗಣೇಶ ಸಿದ್ದಿ ದುರುಗುಟ್ಟಿ ನೋಡುತ್ತಿದ್ದ. ಸಿಕ್ಕಾಗಲೆಲ್ಲ ಕೆಟ್ಟದಾಗಿ ಬಯ್ಯುತ್ತಿದ್ದ. ಅಕ್ಟೊಬರ್ 30ರ ಬೆಳಗ್ಗೆ 5 ಗಂಟೆಗೆ ಶೀಲಾ ಸಿದ್ದಿ ಅವರ ಮನೆಗೆ ಗಣೇಶ ಸಿದ್ದಿ ನುಗ್ಗಿ ರಂಪಾಟ ನಡೆಸಿದ್ದ. ಅಕ್ಕನ ಬಲಗೈ ಹೆಬ್ಬರಳನ್ನು ಕಚ್ಚಿ ಗಾಯಗೊಳಿಸಿದ್ದ. ಜೊತೆಗೆ ಕಬ್ಬಿಣದ ರಾಡಿನಿಂದ ಶೀಲಾ ಸಿದ್ದಿ ಅವರ ತಲೆ ಮೇಲೆ ಹೊಡೆದು ಕೊಲೆ ಪ್ರಯತ್ನವನ್ನು ಮಾಡಿದ್ದ.

ಗಾಯಗೊಂಡ ಶೀಲಾ ಸಿದ್ದಿ ಅವರನ್ನು ಅವರ ತಾಯಿ ಜಾನಕಿ ಸಿದ್ದಿ ಹಾಗೂ ಪತಿ ಕೃಷ್ಣ ಸಿದ್ದಿ ರಕ್ಷಿಸಿದರು. ಜೊತೆಗೆ ಕಬ್ಬಿಣದ ರಾಡ್ ಹಿಡಿದು ನಿಂತಿದ್ದ ಕೃಷ್ಣಾ ಸಿದ್ದಿಯನ್ನು ಸುಮ್ಮನಿರಿಸುವ ಪ್ರಯತ್ನ ನಡೆಸಿದ್ದರು. ಆದರೆ, ಈ ವೇಳೆ ಅಲ್ಲಿಯೇ ಇದ್ದ ಇನ್ನೊಬ್ಬ ಅಕ್ಕ ಗೀತಾ ಸಿದ್ದಿ ಅವರ ಮೇಲೆ ಕೃಷ್ಣ ಸಿದ್ದಿ ಕೈ ಮಾಡಿದ್ದ. ಜಗಳ ಬಿಡಿಸಲು ಬಂದವರನ್ನು ಸಹ ದೂಡಾಡಿದ್ದ. ಇದರೊಂದಿಗೆ ಮನೆಯ ಸಾಮಗ್ರಿಗಳನ್ನು ಸಹ ಒಡೆದು ಹಾಕಿ ಹಾನಿ ಮಾಡಿದ.

ಈ ಎಲ್ಲಾ ಹಿನ್ನಲೆ ಇಡಗುಂದಿಯ ಜನತಾ ಕಾಲೋನಿಯಲ್ಲಿ ವಾಸ ಮಾಡುವ ಗೀತಾ ರವೀಂದ್ರ ಸಿದ್ದಿ ಪೊಲೀಸ್ ದೂರು ನೀಡಿದ್ದಾರೆ. ಪ್ರಕರಣ ದಾಖಲಿಸಿಕೊಂಡಿರುವ ಪಿಎಸ್‌ಐ ಸಿದ್ದಪ್ಪ ಗುಡಿ ತನಿಖೆ ಶುರು ಮಾಡಿದ್ದಾರೆ.

 

  • Related Posts

    ಮಹಿಳೆಯ ಪಕ್ಕದಲ್ಲೇ ಮಲಗಿ ಕಳ್ಳತನಕ್ಕೆ ಯತ್ನಿಸಿದ ಖದೀಮ!

    Share this… Facebook Pinterest Twitter Linkedin Whatsappಹಾವೇರಿ ಜಿಲ್ಲಾಸ್ಪತ್ರೆಯಲ್ಲಿ ಮಧ್ಯರಾತ್ರಿ ಕಳ್ಳನ ಕಾಟ; ಮಹಿಳೆಯ ಹಾಸಿಗೆಯೊಳಗೆ ನುಸುಳಿದ ಖದೀಮ! ಹಾವೇರಿ: ನಗರದ ಜಿಲ್ಲಾಸ್ಪತ್ರೆಯ ವಾರ್ಡ್‌ನಲ್ಲಿ ಮಧ್ಯರಾತ್ರಿ ಕಳ್ಳನೊಬ್ಬ ವಿಚಿತ್ರ ರೀತಿಯಲ್ಲಿ ಕಳ್ಳತನಕ್ಕೆ ಯತ್ನಿಸಿರುವ ಘಟನೆ ಬೆಳಕಿಗೆ ಬಂದಿದೆ. ಮಹಿಳೆಯ ಪಕ್ಕದಲ್ಲೇ…

    ಹಾವೇರಿ ಮಹಿಳಾ ಕಾಂಗ್ರೆಸ್‌ನಿಂದ ಇಂದಿರಾ ಗಾಂಧಿ ಜನ್ಮದಿನಾಚರಣೆ!

    Share this… Facebook Pinterest Twitter Linkedin Whatsappಹಾವೇರಿಯಲ್ಲಿ ಇಂದಿರಾ ಗಾಂಧಿ ಜನ್ಮದಿನಾಚರಣೆ: ಮಾಜಿ ಪ್ರಧಾನಿಯ ಕೊಡುಗೆ ಸ್ಮರಿಸಿದ ಮಹಿಳಾ ಕಾಂಗ್ರೆಸ್ ಮುಖಂಡರು ಹಾವೇರಿ: ಭಾರತದ ಮಾಜಿ ಪ್ರಧಾನಮಂತ್ರಿ ಹಾಗೂ ಉಕ್ಕಿನ ಮಹಿಳೆ ಎಂದೇ ಖ್ಯಾತರಾಗಿದ್ದ ದಿವಂಗತ ಇಂದಿರಾ ಗಾಂಧಿಯವರ ಜನ್ಮದಿನದ…

    You cannot copy content of this page