ಬೋರ್‌ವೆಲ್ ಫಿಲ್ಟರ್ ಸ್ಪೋಟ: ದುಡಿಯುವ ರೈತನ ದುರ್ಮರಣ

ಹಳಿಯಾಳ: ಹೊಲಕ್ಕೆ ನೀರುಣಿಸುತ್ತಿದ್ದ ಬೋರ್‌ವೆಲ್ ಫಿಲ್ಟರ್ ಸ್ಪೋಟದಿಂದ ಖರಪ್ಪ ಹಟ್ಟಿಹೊಳಿ (64) ಎಂಬಾತರು ಸಾವನಪ್ಪಿದ್ದಾರೆ.

ಅರ್ಲವಾಡ ಖರಪ್ಪ ರುದ್ರಪ್ಪ ಹಟ್ಟಿಹೊಳಿ (64) ಅಕ್ಟೊಬರ್ 18ರಂದು ಹೊಲಕ್ಕೆ ಹೋಗಿದ್ದರು. ಫಸಲಿಗೆ ನೀರುಣಿಸುವುದಕ್ಕಾಗಿ ಅವರು ಬೋರ್‌ವೆಲ್ ಚಾಲು ಮಾಡಿದ್ದರು. ಫಿಲ್ಟರ್ ವಾಲ್ ತಿರುಗಿಸುವಾಗ ಫಿಲ್ಟರ್ ಸ್ಪೋಟವಾಗಿದೆ. ಪರಿಣಾಮ ಖರಪ್ಪ ಹಟ್ಟಿಹೊಳಿ ಅವರ ಮುಖಕ್ಕೆ ಗಾಯವಾಗಿದ್ದು, ಪರಿಸ್ಥಿತಿ ಗಂಭೀರವಾಗಿತ್ತು.

Advertisement. Scroll to continue reading.

ಈ ವಿಷಯ ಗೊತ್ತಾದ ತಕ್ಷಣ ಆಂಬುಲೆನ್ಸ ಮೂಲಕ ಅವರನ್ನು ಹುಬ್ಬಳ್ಳಿಗೆ ಕರೆದೊಯ್ಯಲಾಯಿತು. ಅಲ್ಲಿನ ಕಿಮ್ಸ ಆಸ್ಪತ್ರೆಗೆ ದಾಖಲಿಸಲಾಯಿತು. ಏಳು ದಿನಗಳ ಕಾಲ ವೈದ್ಯರು ಆರೈಕೆ ಮಾಡಿದರು. ಮುಖದ ಮೇಲೆ ಗಂಭೀರ ಪ್ರಮಾಣದಲ್ಲಿ ಗಾಯವಾಗಿದ್ದರಿಂದ ಅವರನ್ನು ಬದುಕಿಸಿಕೊಳ್ಳಲು ಆಗಲಿಲ್ಲ. ಅಕ್ಟೊಬರ್ 25ರಂದು ಅವರು ಕೊನೆ ಉಸಿರೆಳೆದರು.

ಖರಪ್ಪ ಹಟ್ಟಿಹೊಳಿ ಅವರ ಶವವನ್ನು ಆಸ್ಪತ್ರೆಯ ಶವಾಗಾರದಲ್ಲಿರಿಸಿದ್ದು, ಅವರ ಸಂಬ0ಧಿಕರು ಪೊಲೀಸ್ ಪ್ರಕರಣ ದಾಖಲಿಸಿ ಶವ ಬಿಡಿಸಿಕೊಂಡರು.