ಐದು ರಸ್ತೆ | ಯಾವ ಹಾದಿ ಹಿಡಿದ ಈ ಎಲೆಕ್ಟ್ರಿಷಿಯನ್?

ಶಿರಸಿ: ಐದು ರಸ್ತೆಯ ಬಳಿ ವಾಸವಾಗಿದ್ದ ಥಾಮಸ್ ಡಿಸೋಜಾ ಕಾಣೆಯಾಗಿದ್ದಾರೆ.

Advertisement. Scroll to continue reading.

ಕುಮಟಾ ರಸ್ತೆಯ ಐದು ರಸ್ತೆ ಬಳಿ ಥಾಮಸ್ ಸಾಲ್ವಾದೋರ್ ಡಿಸೋಜಾ (51) ತಮ್ಮ ಕುಟುಂಬದವರ ಜೊತೆ ವಾಸವಾಗಿದ್ದರು. ಅವರು ಎಲೆಕ್ಟ್ರಿಷಿಯನ್ ಆಗಿ ಕೆಲಸ ಮಾಡಿಕೊಂಡು ಬದುಕು ಕಟ್ಟಿಕೊಂಡಿದ್ದರು. ನ 15ರ ಬೆಳಗ್ಗೆ 8.30ಕ್ಕೆ ಕೆಲಸಕ್ಕೆ ಹೋದ ಅವರು ಮನೆಗೆ ಮರಳಿಲ್ಲ. ಅವರನ್ನು ಸಂಪರ್ಕಿಸುವ ಎಲ್ಲಾ ಪ್ರಯತ್ನ ನಡೆದರೂ ಪ್ರಯೋಜನವಾಗಿಲ್ಲ.

ಆ ದಿನ ಅವರು ಮಳಗಿಗೆ ಹೋಗುವುದಾಗಿ ಮನೆಯಲ್ಲಿ ಹೇಳಿಕೊಂಡಿದ್ದರು. ಹೀಗಾಗಿ ಮಳಗಿ ಭಾಗದಲ್ಲಿ ಸಹ ಅವರ ಕುಟುಂಬದವರು ಹುಡುಕಾಟ ನಡೆಸಿದರು. ಎಲ್ಲಿಯೂ ಅವರು ಸಿಕ್ಕಿಲ್ಲ. ಹೀಗಾಗಿ `ಥಾಮಸ್ ಡಿಸೋಜಾ ಅವರನ್ನು ಹುಡುಕಿಕೊಡಿ’ ಎಂದು ಅವರ ಪತ್ನಿ ಪಾಥಿಮಾ ಡಿಸೋಜಾ ಪೊಲೀಸ್ ದೂರು ನೀಡಿದ್ದಾರೆ.