ಪೂಜಾರಿಗೆ ಸಿಗದ ತಂಗಿಮನೆ ತುತ್ತಿನ ಭಾಗ್ಯ!

ಶಿರಸಿ: ತಂಗಿ ಮನೆಗೆ ಹೋಗಿದ್ದ ರವಿ ಪೂಜಾರಿ (36) ಸಾವನಪ್ಪಿದ್ದಾರೆ. ಊಟ ಮಾಡುವುದಕ್ಕಾಗಿ ಕೈ ಕಾಲು ತೊಳೆದು ಕೂತಿದ್ದ ಅವರು ಎದೆನೋವಿನಿಂದ ಕೊನೆ ಉಸಿರೆಳೆದರು.

Advertisement. Scroll to continue reading.

ಸರನಗದ್ದೆ ಬಳಿಯ ಕೊಡ್ನಗದ್ದೆ ತಟ್ಟಿಗದ್ದೆಯ ರವಿ ಬಾಬು ಪೂಜಾರಿ (36) ನ 19ರ ಮಧ್ಯಾಹ್ನ ತಂಗಿ ಮನೆಗೆ ಹೋಗಿದ್ದರು. ಅಲ್ಲಿನ ತೋಟಕ್ಕೆ ಹೋದ ಅವರು ಮನೆಗೆ ಮರಳಿ ಊಟಕ್ಕಾಗಿ ಕೈ ಕಾಲು ತೊಳೆದರು. ಅಲ್ಲಿನ ಕಟ್ಟೆ ಮೇಲೆ ಕುಳಿತಿದ್ದ ಅವರಿಗೆ ಎದೆನೋವು ಕಾಣಿಸಿಕೊಂಡಿದ್ದು, ಕುಸಿದು ಬಿದ್ದರು.

Advertisement. Scroll to continue reading.

ತಕ್ಷಣ ಅವರನ್ನು ಟಿಎಸ್‌ಎಸ್ ಆಸ್ಪತ್ರೆಗೆ ದಾಖಲಿಸಿದರೂ ಪ್ರಯೋಜನವಾಗಲಿಲ್ಲ. ಪರಿಕ್ಷಿಸಿದ ವೈದ್ಯರು ರವಿ ಪೂಜಾರಿ ಈಗಾಗಲೇ ಸಾವನಪ್ಪಿದ ಬಗ್ಗೆ ಘೋಷಿಸಿದರು. ಪೊಲೀಸ್ ಮಾಹಿತಿ ನೀಡಿ ಪ್ರಕರಣ ದಾಖಲಿಸಿದ ಅವರ ಅಣ್ಣ ರಾಘವೇಂದ್ರ ಪೂಜಾರಿ ಶವ ಪಡೆದರು.