ಕಾರವಾರ: ಗುಲಾಬಿ ಬಣ್ಣದ ಟೀಶರ್ಟ ಹಾಗೂ ಜೀನ್ಸ ಬರ್ಮೋಡಾ ಚಡ್ಡಿ ಧರಿಸಿದ ವ್ಯಕ್ತಿಯೊಬ್ಬ ನಂದನಗದ್ದಾ ಹೈಸ್ಕೂಲ್ ಮುಂದೆ ಅನುಮಾನಾಸ್ಪದವಾಗಿ ಸಾವನಪ್ಪಿದ್ದಾನೆ. ಆತ ಯಾರು? ಎಲ್ಲಿಯವ? ಎಂದು ಗೊತ್ತಾಗುತ್ತಿಲ್ಲ. ಹೀಗಾಗಿ ಪೊಲೀಸರು ಆತನ ಬಗ್ಗೆ ಹುಡುಕಾಟದಲ್ಲಿದ್ದಾರೆ.
ರಸ್ತೆ ಪಕ್ಕ ಬಿದ್ದಿದ್ದ 35 ವರ್ಷದ ವ್ಯಕ್ತಿಯ ಬಗ್ಗೆ ಅಲ್ಲಿನ ಹರೀಶ ಸಾಗೇಕರ್ ಪೊಲೀಸರಿಗೆ ಮಾಹಿತಿ ನೀಡಿದ್ದರು. ಆತನನ್ನು ಪೊಲೀಸರು ಆಸ್ಪತ್ರೆಗೆ ರವಾನಿಸಿದ್ದರು. ಆದರೆ, ವೈದ್ಯರು ಆತ ಸಾವನಪ್ಪಿದ ಬಗ್ಗೆ ಘೋಷಿಸಿದ್ದು, `ಆತನ ಸಾವಿನಲ್ಲಿ ಸಂಶಯವಿದೆ’ ಎಂದು ಹರೀಶ ಸಾಗೇಕರ್ ಪೊಲೀಸ್ ದೂರು ನೀಡಿದ್ದಾರೆ.
ಪ್ರಸ್ತುತ ಶವವನ್ನು ಜಿಲ್ಲಾಸ್ಪತ್ರೆಯ ಶವಾಗಾರದಲ್ಲಿರಿಸಲಾಗಿದೆ. ಈವರೆಗೂ ಆತನ ವಾರಸುದಾರರು ಪತ್ತೆಯಾಗಿಲ್ಲ. ಗೋದಿ ಬಣ್ಣ, ಸಣಕಲು ದೇಹದ ಆತ ಸಾವಿಗೂ ಮುನ್ನ ಗುಲಾಬಿ ಬಣ್ಣದ ಟೀ ಶರ್ಟ್ ಹಾಗೂ ಜಿನ್ಸ್ ಬರ್ಮುಡಾ ಚಡ್ಡಿ ಧರಿಸಿದ್ದ. ಎದೆಯ ಮೇಲೆ ಪಿ ಲಕ್ಷ್ಮೀ ಎಂಬ ಟ್ಯಾಟೋ ಕಾಣಿಸಿದೆ. ಈತನ ಬಗ್ಗೆ ಮಾಹಿತಿಯಿದ್ದರೆ ಕೂಡಲೇ ಇಲ್ಲಿ ಫೋನ್ ಮಾಡಿ: 8382226333, 9480805245
