ಭಟ್ಕಳ: ಸಮುದ್ರ ತೀರದಲ್ಲಿ ವೀಲಿಂಗ್ ಮಾಡಿದ ಬೆಂಗಳೂರು ವಾಹನವನ್ನು ಪೊಲೀಸರು ವಶಕ್ಕೆ ಪಡೆದಿದ್ದು, ವಾಹನದ ಮಾಲಕನಿಗೆ ದಂಡ ವಿಧಿಸಿದ್ದಾರೆ.
ಮುರುಡೇಶ್ವರ ಸಮುದ್ರ ತೀರದಲ್ಲಿ ಬೆಂಗಳೂರಿನ ಗಣೇಶ ಎನ್ ವಿ ತಮ್ಮ ಇಕೋ ವಾಹನ ಓಡಿಸಿದ್ದರು. ಅತಿಯಾದ ವೇಗದೊಂದಿಗೆ ಅಲೆಗಳ ಅಬ್ಬರದಲ್ಲಿ ವೀಲಿಂಗ್ ಮಾಡಿ ಫೋಟೋ – ವಿಡಿಯೋ ಮಾಡಿಕೊಂಡಿದ್ದರು.
ತಮ್ಮ ಹಾಗೂ ಬೇರೆಯವರ ಜೀವಕ್ಕೆ ಅಪಾಯವಿರುವ ಬಗ್ಗೆ ಅರಿವಿದ್ದರೂ ಈ ಕೃತ್ಯ ಎಸಗಿದಕ್ಕಾಗಿ ಪೊಲೀಸರು ಆ ವಾಹನವನ್ನು ಠಾಣೆಗೆ ಒಯ್ದರು. ಗಣೇಶ ಎನ್ ವಿ ಅವರಿಗೆ ಸಾಕಷ್ಟು ತಿಳುವಳಿಕೆ ನೀಡಿದ ನಂತರ 1 ಸಾವಿರ ರೂ ದಂಡ ವಿಧಿಸಿದರು. ಹಣ ಪಾವತಿ ನಂತರ ವಾಹನವನ್ನು ಬಿಟ್ಟು ಕಳುಹಿಸಿದರು.
