ಬೈಕ್ ನಡುವೆ ಡಿಕ್ಕಿ: ಒಬ್ಬ ಸಾವು.. ಇನ್ನೊಬ್ಬ ಗಂಭೀರ!

ಮುoಡಗೋಡ: ಟಿಬೇಟಿಯನ್ ಕಾಲೋನಿ ಬಳಿ ಗುರುವಾರ ಎರಡು ಬೈಕ್ ನಡುವೆ ಅಪಘಾತವಾಗಿದೆ. ಈ ಅಪಘಾತದಲ್ಲಿ ಯಲ್ಲಾಪುರದ ವ್ಯಕ್ತಿಯೊಬ್ಬರು ಸಾವನಪ್ಪಿದ್ದು, ಗಾಯಗೊಂಡ ಮತ್ತೊಬ್ಬರನ್ನು ಆಸ್ಪತ್ರೆಗೆ ರವಾನಿಸಲಾಗಿದೆ.

ಯಲ್ಲಾಪುರದ ಕಿರವತ್ತಿಯ ಗುರುನಾಥ ಪವಾರ್ (35) ಅವರು ಬೈಕಿನಲ್ಲಿ ಹೋಗುತ್ತಿದ್ದರು. ಮುಂಡಗೋಡ ಸುಭಾಶನಗರದ ಆಸೀಪ್ ಅವರು ಓಡಿಸುತ್ತಿದ್ದ ಬೈಕು ಗುರುನಾಥ ಅವರ ಬೈಕಿಗೆ ಡಿಕ್ಕಿಯಾಯಿತು.

Advertisement. Scroll to continue reading.

ಈ ಡಿಕ್ಕಿಯ ರಭಸಕ್ಕೆ ಎರಡು ಬೈಕಿನವರು ನೆಲಕ್ಕೆ ಬಿದ್ದು ಗಾಯಗೊಂಡರು. ಆ ಪೈಕಿ ಗಂಭೀರ ಗಾಯಗೊಂಡ ಗುರುನಾಥ ಪವಾರ್ ಸಾವನಪ್ಪಿದರು. ಗಾಯಗೊಂಡು ನರಳುತ್ತಿದ್ದ ಆಸೀಫ್’ರನ್ನು ನೋಡಿದ ಜನ ಆಸ್ಪತ್ರೆಗೆ ದಾಖಲಿಸಿದರು.

ಆಸಿಫ್ ಅವರನ್ನು ಹೆಚ್ಚಿನ ಚಿಕಿತ್ಸೆಗೆ ಹುಬ್ಬಳ್ಳಿಗೆ ಕರೆದೊಯ್ಯಲಾಗಿದೆ. ಅಲ್ಲಿನ ಕಿಮ್ಸ್ ಆಸ್ಪತ್ರೆಯಲ್ಲಿ ಅವರು ಚಿಕಿತ್ಸೆ ಪಡೆಯುತ್ತಿದ್ದಾರೆ.