ಕುಸಿದು ಬಿದ್ದು ಸಾವನಪ್ಪಿದ ಕೈಗಾ ಮಾಜಿ ಉದ್ಯೋಗಿ!

ಕಾರವಾರ: ಊಟ ಮಾಡಿ ಸುಮ್ಮನೆ ಕುಳಿತಿದ್ದ ರಾಜೇಂದ್ರ ರಾಮನಾಥಕರ (60) ದಿಢೀರ್ ಆಗಿ ಸಾವನಪ್ಪಿದ್ದಾರೆ.

ರಾಜೇಂದ್ರ ರಾಮನಾಥಕರ್ ಅವರು ಕೈಗಾ ಅಣು ವಿದ್ಯುತ್ ಘಟಕದಲ್ಲಿ ನೌಕರರಾಗಿದ್ದರು. ನಿವೃತ್ತಿ ನಂತರ ಕಳಸವಾಡದಲ್ಲಿ ವಾಸವಿದ್ದರು. ಜನವರಿ 15ರ ರಾತ್ರಿ ಕಳಸವಾಡದಲ್ಲಿರುವ ಮನೆಯಲ್ಲಿ ಊಟ ಮಾಡಿ ಕುಳಿತಿದ್ದರು.

ಈ ವೇಳೆ ದಿಢೀರ್ ಆಗಿ ಕುಸಿದು ಬಿದ್ದ ಅವರನ್ನು ಸರ್ಕಾರಿ ಆಸ್ಪತ್ರೆಗೆ ದಾಖಲಿಸಲಾಯಿತು. ಅಲ್ಲಿ ವೈದ್ಯರು ಉಪಚಾರ ಮಾಡಿದರೂ ಅವರು ಬದುಕಲಿಲ್ಲ. ರಾಜೇಂದ್ರ ಅವರ ಸಾವಿನ ಬಗ್ಗೆ ಯಲ್ಲಾಪುರದಲ್ಲಿ ಶಿಕ್ಷಕರಾಗಿರುವ ಅವರ ಸಹೋದರ ನಂದಕಿಶೋರ ರಾಮನಾಥಕರ ಅವರು ಪೊಲೀಸ್ ಪ್ರಕರಣ ದಾಖಲಿಸಿದ್ದಾರೆ.

Advertisement. Scroll to continue reading.