ಬೆಂಕಿಯಲ್ಲಿ ಬಿದ್ದು ಬೂದಿಯಾದ 12.58 ಲಕ್ಷ ರೂ ಮೌಲ್ಯದ ಗಾಂಜಾ!

ಉತ್ತರ ಕನ್ನಡ ಜಿಲ್ಲೆಯ ವಿವಿಧ ಕಡೆ ಪೊಲೀಸರು ದಾಳಿ ನಡೆಸಿ ವಶಕ್ಕೆ ಪಡೆದಿದ್ದ 27 ಕೆಜಿ ಗಾಂಜಾ ಅಂಕೋಲಾದಲ್ಲಿ ಬೆಂಕಿಗೆ ಆಹುತಿಯಾಗಿದೆ. ಬಿಗಿ ಪೊಲೀಸ್ ಭದ್ರತೆಯಲ್ಲಿ ಮಾದಕ ವಸ್ತುಗಳನ್ನು ಪೊಲೀಸರು ನಾಶ ಮಾಡಿದ್ದಾರೆ.

Advertisement. Scroll to continue reading.

ಒಟ್ಟು 32 ಪ್ರಕರಣಗಳಲ್ಲಿ ಪೊಲೀಸರಿಗೆ 27.360 ಕೆಜಿ ಗಾಂಜಾ ಸಿಕ್ಕಿತ್ತು. ಅದರ ಮೌಲ್ಯವನ್ನು 12,58,200ರೂ ಎಂದು ಅಂದಾಜಿಸಲಾಗಿತ್ತು. ಗಾಂಜಾ ನಾಶ ಪಡಿಸುವಿಕೆಗಾಗಿ ಪೊಲೀಸರು ನ್ಯಾಯಾಲಯದ ಮೊರೆ ಹೋಗಿದ್ದರು. ನ್ಯಾಯಾಲಯ ಅದಕ್ಕೆ ಒಪ್ಪಿಗೆ ಸೂಚಿಸಿತ್ತು.

Advertisement. Scroll to continue reading.

ಹಿರಿಯ ಪೊಲೀಸ್ ಅಧಿಕಾರಿಗಳು ಸಹ ಗಾಂಜಾ ನಾಶಪಡಿಸಲು ಸೂಚನೆ ನೀಡಿದ್ದರು. ಅದರ ಪ್ರಕಾರ ಗುರುವಾರ ಅಂಕೋಲಾ ತಾಲೂಕಿನ ಬೊಗ್ರಿಬೈಲ್ ಕೆನರಾ ಐಎಂಎ ಕಾನ್ ಟ್ರಿಟ್ಮೆಂಟ್ ಪೆಸಿಲಿಟಿ ಅವರ ಘನತಾಜ್ಯ ವಿಲೆವಾರಿ ಘಟಕದಲ್ಲಿ ಅವೆಲ್ಲವನ್ನು ನಾಶ ಮಾಡಲಾಯಿತು.