ಶಿರಸಿಯ ಹೊಸಬಾಳೆಯಲ್ಲಿ ಅಡಿಕೆ ಸುಲಿಯುವ ಯಂತ್ರಕ್ಕೆ ಸಿಲುಕಿ ಮಹಿಳೆಯೊಬ್ಬರು ಸಾವನಪ್ಪಿದ್ದಾರೆ.
ಹೊಸಬಾಳೆಯ ಶೋಭಾ ಹೆಗಡೆ ಸಾವನಪ್ಪಿದವರು. ಶೋಭಾ ಹೆಗಡೆ ಅವರು ಕಾಂಗ್ರೆಸ್ ಮುಖಂಡ ವೆಂಕಟೇಶ ಹೆಗಡೆ ಅವರ ಪತ್ನಿ.
ಬುಧವಾರ ಮಧ್ಯಾಹ್ನ ಶೋಭಾ ಹೆಗಡೆ ಅವರು ಕೃಷಿ ಕಾಯಕದಲ್ಲಿ ತೊಡಗಿದ್ದರು. ಅವರ ಮನೆ ಬಳಿ ಚಾಲಿ ಅಡಿಕೆ ಸಲಿಯುವ ಕೆಲಸ ನಡೆಯುತ್ತಿತ್ತು. ಅಡಿಕೆ ಸುಲಿಯುವ ಯಂತ್ರದ ಬಳಿ ಅವರು ಸುಳಿದಾಡುತ್ತಿದ್ದರು.
ಈ ವೇಳೆ ಅವರ ಸೀರೆ ಅಡಿಕೆ ಯಂತ್ರಕ್ಕೆ ಸಿಲುಕಿದೆ. ಅದರಿಂದ ತಪ್ಪಿಸಿಕೊಳ್ಳುವ ಪ್ರಯತ್ನ ನಡೆದರೂ ಪ್ರಯೋಜನವಾಗಿಲ್ಲ. ಸೀರೆಯ ಜೊತೆ ಯಂತ್ರದೊಳಗೆ ತಲೆ ಸಿಲುಕಿ ಅವರು ಸ್ಥಳದಲ್ಲಿಯೇ ಕೊನೆ ಉಸಿರೆಳೆದಿದ್ದಾರೆ. ಪೊಲೀಸರು ಸೇರಿ ಅನೇಕರು ಘಟನಾ ಸ್ಥಳಕ್ಕೆ ತೆರಳಿದ್ದಾರೆ.
