13 ಅಡಿ ಉದ್ದವಿತ್ತು ಆ ಹಾವು!

ದಾಂಡೇಲಿಯ ಅಂಬಿಕಾ ನಗರದಲ್ಲಿ ಬುಧವಾರ ದೊಡ್ಡದೊಂದು ಹೆಬ್ಬಾವು ಕಾಣಿಸಿಕೊಂಡಿದೆ. ಉರಗ ತಜ್ಞರು ಆಗಮಿಸಿ ಆ ಹಾವನ್ನು ಹಿಡಿದಿದ್ದು, ಕಾಡಿಗೆ ಬಿಟ್ಟಿದ್ದಾರೆ.

ಅಂಬಿಕಾ ನಗರದ ಕೆಪಿಸಿ ಕಾಲೋನಿ ಕಡೆ ಹೆಬ್ಬಾವು ಆಗಮಿಸಿದ್ದು, ಜನ ಆತಂಕವ್ಯಕ್ತಪಡಿಸಿದರು. ಇಲ್ಲಿನ ಸಂಗೀತಾ ಮಿರಾಶಿ ಅವರ ಮನೆ ಅಂಚಿನಲ್ಲಿ 13 ಅಡಿ ಉದ್ದದ ಹೆಬ್ಬಾವು ಕಾಣಿಸಿಕೊಂಡಿತು. ಆ ಮನೆಯವರು ಅರಣ್ಯ ಇಲಾಖೆಗೆ ಹೆಬ್ಬಾವಿನ ಆಗಮನದ ಬಗ್ಗೆ ಮಾಹಿತಿ ನೀಡಿದರು.

Advertisement. Scroll to continue reading.

ಅರಣ್ಯ ಇಲಾಖೆಯವರು ಉರಗತಜ್ಞ ಅಸ್ಲಾಂ ಹಾಗೂ ವಿನೋದ ಅವರ ನೆರವಿನಿಂದ ಆ ಹಾವು ಹಿಡಿದರು. ಅರಣ್ಯ ಇಲಾಖೆಯವರ ಸಮಕ್ಷೇಮದಲ್ಲಿ ಆ ಹಾವನ್ನು ಸುರಕ್ಷಿತವಾಗಿ ಕಾಡಿಗೆ ಬಿಡಲಾಯಿತು. ಇದರಿಂದ ಮನೆಯವರ ಆತಂಕವೂ ದೂರವಾಯಿತು.

ಈಚೆಗೆ ಆಹಾರ ಅರೆಸಿ ನಾಡಿಗೆ ಬರುವ ಹೆಬ್ಬಾವಿನ ಸಂಖ್ಯೆ ಹೆಚ್ಚಾಗಿದೆ. ಕೋಳಿ ಸಾಕುವ ಕೇಂದ್ರಗಳ ಕಡೆ ಹಾವು ಆಕರ್ಷಿತವಾಗುತ್ತಿವೆ.