ಕೈಗಾ: ಅಡುಗೆ ಮನೆಗೆ ಬಂದ ನಾಗ!

ಕಾರವಾರದ ಕೈಗಾ ವಸತಿಗೃಹ ಪ್ರದೇಶಕ್ಕೆ ಆಗಮಿಸಿದ ನಾಗರ ಹಾವು ಅಲ್ಲಿನ ಮಂಜುನಾಥ ನಾಯ್ಕ ಅವರ ಮನೆ ಅಡುಗೆ ಕೋಣೆ ಪ್ರವೇಶಿಸಿದ್ದು, ಉರಗ ತಜ್ಞರು ಹಾವು ಹಿಡಿದು ಕಾಡಿಗೆ ಬಿಟ್ಟರು.

`ಮಳೆಗಾಲದ ಕಾರಣ ನಾಗರ ಹಾವುಗಳು ಬೆಚ್ಚಗಿನ ಪ್ರದೇಶ ಹುಡುಕುತ್ತವೆ. ಅಡುಗೆ ಮನೆ ಬೆಚ್ಚಗಿರುವ ಕಾರಣ ಅವು ಅಲ್ಲಿ ಆಶ್ರಯಪಡೆಯುವ ಸಾಧ್ಯತೆ ಹೆಚ್ಚಿದೆ’ ಎಂದು ಉರಗ ತಜ್ಞ ಬಿಲಾಲ್ ಶೇಖ್ ನೆರೆದಿದ್ದವರಿಗೆ ಮಾಹಿತಿ ನೀಡಿದರು.

`ಮನೆಯ ಒಳಗೆ ಹಾವು ಬಂದರೆ ಜನ ಭಯಪಡಬಾರದು. ಉರಗ ತಜ್ಞರನ್ನು ಕರೆಯಿಸಿ ಹಾವುಗಳನ್ನು ಸುರಕ್ಷಿತವಾಗಿ ಕಾಡಿಗೆ ಬಿಡಬೇಕು’ ಎಂದು ಅವರು ಮನವಿ ಮಾಡಿದರು. `ಶೀತರಕ್ತ ಜೀವಿಯಾದ ಹಾವು ಮಳೆಗಾಲದಲ್ಲಿ ಮೈ ಕಾಯಿಸಲು ಬೆಚ್ಚಗಿನ ಜಾಗ ಹುಡುಕುವುದು ಸಾಮಾನ್ಯ’ ಎಂದವರು ಮನವರಿಕೆ ಮಾಡಿದರು.

Advertisement. Scroll to continue reading.

ಜೀವವೈವಿಧ್ಯ ಸಂಶೋಧಕ ಮಂಜುನಾಥ ಎಸ್ ನಾಯಕ ಮತ್ತು ಕದ್ರಾ ವಲಯ ಅರಣ್ಯಾಧಿಕಾರಿ ರಾಘು ರಾಘು ಕುರ್ನಿಪೇಟ್ ಹಾವು ಹಿಡಿಯುವ ಕಾರ್ಯಾಚರಣೆಯಲ್ಲಿದ್ದರು.

Advertisement. Scroll to continue reading.