ಪುಣ್ಯಕೋಟಿ ಗೋಶಾಲೆಗೆ ಹೊಸ ಅತಿಥಿ: ಕಸಾಯಿಖಾನೆಗೆ ಹೋಗುತ್ತಿದ್ದ ಹಸುಗಳಿಗೆ ಮರುಜೀವ!

ಟಾಟಾ ಎಸ್ ವಾಹನದಲ್ಲಿ ಹಿಂಸಾತ್ಮಕ ರೀತಿ ಸಾಗಿಸುತ್ತದ್ದ ಗೋವುಗಳಿಗೆ ಹಳಿಯಾಳ ಪೊಲೀಸರು ಮರುಜೀವ ನೀಡಿದ್ದಾರೆ. ಹಸುಗಳಿಗೆ ಹಿಂಸೆ ನೀಡುತ್ತಿದ್ದವರ ವಿರುದ್ಧ ಪ್ರಕರಣ ದಾಖಲಿಸಿದರು.

Advertisement. Scroll to continue reading.

ಗುರುವಾರ ಪೊಲೀಸರು ಹಳಿಯಾಳ-ತೆರಗಾಂವ್ ರಾಜ್ಯ ಹೆದ್ದಾರಿ ಮೇಲೆ ಸಂಚರಿಸುವ ವಾಹನಗಳ ತಪಾಸಣೆ ನಡೆಸುತ್ತಿದ್ದರು. ಆಗ, ಟಾಟಾ ಎಸ್ ವಾಹನದಲ್ಲಿ ಹಿಂಸಾತ್ಮಕವಾಗಿ ಗೋವು ಸಾಗಾಟ ನಡೆದಿರುವುದು ಗಮನಕ್ಕೆ ಬಂದಿತು. ತೆರಗಾಂವ್ ಗ್ರಾಮದ ಬಳಿ ಆ ವಾಹನವನ್ನು ಪೊಲೀಸರು ಹಿಡಿದರು. ದಾಖಲೆ ಪ್ರಶ್ನಿಸಿದಾಗ ಗೋವು ಸಾಗಾಟದ ಅನುಮತಿ ಪತ್ರ ಸಿಗಲಿಲ್ಲ.

ADVERTISEMENT

ಕೂಡಲೇ ಪೊಲೀಸರು ಆ ವಾಹನವನ್ನು ವಶಕ್ಕೆಪಡೆದರು. ವಾಹನದಲ್ಲಿದ್ದ ಧಾರವಾಡದ ಚಮನಸಬ್ ಭಗವಾನ್, ಆಯೇಬಬೇಪಾರಿ, ನವೀದ್‌ರಾಜಸಾಬ್ ದತ್ತಿ, ಬಾಬುಸಾಬ್ ಜಪಾರಿ ವಿರುದ್ಧ ಪ್ರಕರಣ ದಾಖಲಿಸಿದರು. ವಶಕ್ಕೆಪಡೆದ ಗೋವುಗಳನ್ನು ದುಸುಗಿ ಗ್ರಾಮದ ಪುಣ್ಯಕೋಟಿ ಗೋಶಾಲೆಗೆ ಕಳುಹಿಸಿದರು. ಪಶು ಸಂಗೋಪನಾ ಇಲಾಖೆಯವರು ಆಗಮಿಸಿ, ಗೋವುಗಳ ಆರೋಗ್ಯ ತಪಾಸಣೆ ಮಾಡಿದರು.

Advertisement. Scroll to continue reading.