ರಸ್ತೆ ಸುರಕ್ಷತೆಗೆ ಪೊಲೀಸರ ಒಲವು

ಯಲ್ಲಾಪುರ: ಅರಬೈಲ್ ಘಟ್ಟದಲ್ಲಿ ಪದೇ ಪದೇ ಅಪಘಾತವಾಗುವುದನ್ನು ಮನಗಂಡ ಯಲ್ಲಾಪುರ ಪೊಲೀಸರು ಕೆಲ ಸುರಕ್ಷತಾ ಕ್ರಮಗಳನ್ನು ಜರುಗಿಸಿದ್ದಾರೆ.
ಅಪಾಯಕಾರಿ ತಿರುವುಗಳಲ್ಲಿ ಎದುರಿನಿಂದ ಬರುವ ವಾಹನ ಕಾಣದ ಕಾರಣ ಅಪಘಾತಗಳ ಪ್ರಮಾಣ ಹೆಚ್ಚಾಗಿತ್ತು. ಈ ಹಿನ್ನಲೆ ತಿರುವುಗಳಲ್ಲಿ `ಪೀನ್ ಕನ್ನಡಿ’ಗಳನ್ನು ಅಳವಡಿಸಲಾಗಿದೆ. ಇದರೊಂದಿಗೆ `ಹೈವೆ ಪೆಟ್ರೋಲ್’ ಪೊಲೀಸ್ ವಾಹನ ಹೆದ್ದಾರಿಯಲ್ಲಿ ಗಸ್ತು ತಿರುಗುತ್ತಿದ್ದು, ಅದರಲ್ಲಿರುವ ಸಿಬ್ಬಂದಿ ಅಪಘಾತ ಆದ ತಕ್ಷಣ ಅಲ್ಲಿಗೆ ತೆರಳಿ ನೊಂದವರಿಗೆ ನೆರವು ನೀಡುವ ಕೆಲಸ ಮಾಡುತ್ತಿದ್ದಾರೆ. ತುರ್ತು ಸನ್ನಿವೇಶದಲ್ಲಿ 112ಗೆ ಕರೆ ಮಾಡಿ ನೆರವು ಪಡೆಯುವಂತೆ ಪೊಲೀಸರು ಕೋರಿದ್ದಾರೆ.