ಯಲ್ಲಾಪುರ: ಚಂದ್ಗುಳಿಯಲ್ಲಿ ಗ್ರಾ ಪಂ ಸಭಾಭವನದಲ್ಲಿ ನಡೆದ ಪೋಷಣಾ ಅಭಿಯಾನವನ್ನು ಗ್ರಾ ಪಂ ಸದಸ್ಯ ಸುಬ್ಬಣ್ಣ ಉದ್ದಾಬೈಲ್ ಉದ್ಘಾಟಿಸಿದರು.
ನಂತರ ಮಾತನಾಡಿದ ಅವರು `ಮಕ್ಕಳಲ್ಲಿನ ಪೌಷ್ಠಿಕ ಅಂಶ ಹೆಚ್ಚಿಸುವುದಕ್ಕಾಗಿ ಪ್ರಧಾನಿ ನರೇಂದ್ರ ಮೋದಿ ಪೋಷಣ ಅಭಿಯಾನಕ್ಕೆ ಒತ್ತು ನೀಡಿದ್ದಾರೆ. ಅದರ ಮುಂದುವರೆದ ಭಾಗವಾಗಿ ಗರ್ಭಿಣಿ ಹಾಗೂ ಬಾಣಂತಿಯರ ಪೌಷ್ಠಿಕತೆಗೆ ಸಹ ಒತ್ತು ನೀಡಲಾಗಿದೆ’ ಎಂದರು. ಶಿಶು ಅಭಿವೃದ್ಧಿ ಯೋಜನಾಧಿಕಾರಿ ಶ್ರೀದೇವಿ ಪಾಟೀಲ ಮಾತನಾಡಿ `ಸರ್ಕಾರದ ಯೋಜನೆಗಳು ಫಲಾನುಭವಿಗಳಿಗೆ ತಲುಪಬೇಕು. ಆರೋಗ್ಯವಂತ ಸಮಾಜ ನಿರ್ಮಾಣಕ್ಕೆ ಈ ಅಭಿಯಾನ ನಡೆಯುತ್ತಿದೆ’ ಎಂದರು. ಅಂಗನವಾಡಿ ಕಾರ್ಯಕರ್ತೆಯರೇ ಓಡಾಡಿ ಕಾರ್ಯಕ್ರಮ ಸಂಘಟಿಸಿದ್ದರು.
ಪಿಡಿಓ ರಾಜೇಶ ಶೇಟ್, ಉದ್ಯಮಿ ಮಂಜಣ್ಣ ಜಂಬೇಸಾಲ ಹಾಜರಿದ್ದರು. ಗ್ರಾ ಪಂ ಅಧ್ಯಕ್ಷೆ ಶಿಲ್ಪಾ ನಾಯ್ಕ ಅಧ್ಯಕ್ಷತೆವಹಿಸಿದ್ದರು. ಲಲಿತಾ ಹೆಗಡೆ ನಿರ್ವಹಿಸಿದರು. ಶ್ರೀಲತಾ ಹೆಗಡೆ ಪ್ರಾರ್ಥಿಸಿದರು. ಲತಾ ಪಾಠಣಕರ್ ಸ್ವಾಗತಿಸಿದರು.
