ಪತ್ನಿ ಹೆಸರಲ್ಲಿ ಭೂಮಿ ಖರೀದಿಸಿದ್ದ ಬೆಂಗಳೂರು ಉದ್ಯಮಿ: ದುಷ್ಕರ್ಮಿಯಿಂದ ಬೆಳೆ ನಾಶ!

ಕುಮಟಾ: ಬೆಂಗಳೂರಿನ ರಾಜಾಜಿನಗರದ ದೀಪಕ ಗಣೇಯಾನ ಗೋಕರ್ಣದಲ್ಲಿ ಆಸ್ತಿ ಹೊಂದಿದ್ದು, ಸಾಣೆಕಟ್ಟಾದ ವಿಠ್ಠಲ ನಾಯಕ ಆ ಭೂಮಿಯಲ್ಲಿನ ವಾಣಿಜ್ಯ ಬೆಳೆಗಳನ್ನು ನಾಶ ಮಾಡಿದ್ದಾರೆ.

2007-8ರ ಸಾಲಿನಲ್ಲಿ ದೀಪಕ ಗಣೇಯಾನ ಅವರು ತಮ್ಮ ಪತ್ನಿ ರೇಖಾ ಡಿ ಗಣಿಯನ್ ಹೆಸರಿನಲ್ಲಿ ಗೋಕರ್ಣದಲ್ಲಿ ಭೂಮಿ ಖರೀದಿಸಿದ್ದರು. ಭೂಮಿಯ ಸುತ್ತ ಕಂಪೌoಡ್ ನಿರ್ಮಿಸಿ ಒಳಭಾಗದಲ್ಲಿ ವಾಣಿಜ್ಯ ಬೆಳೆಗಳನ್ನು ಬೆಳೆದಿದ್ದರು. ಜೊತೆಗೆ ಒಂದಷ್ಟು ಗಿಡ-ಮರಗಳನ್ನು ಬೆಳೆಸಿದ್ದರು.

ಸಾಣೆಕಟ್ಟಾದ ವಿಠ್ಠಲ ಮಹಾದೇವ ನಾಯಕ ಹಾಗೂ ಇತರರು ಸೇರಿ ಅಕ್ಟೊಬರ್ 15ರಂದು ಆ ಭೂಮಿಗೆ ಅಕ್ರಮವಾಗಿ ಪ್ರವೇಶ ಮಾಡಿದ್ದಾರೆ. ಯಂತ್ರಗಳನ್ನು ಬಳಸಿ ಕಪೌಂಡ್ ಒಡೆದಿದ್ದಾರೆ. ಜೊತೆಗೆ ಅಲ್ಲಿದ್ದ ಬೆಳೆಗಳನ್ನು ನಾಶ ಮಾಡಿದ್ದಾರೆ. ಇದರಿಂದ ದೀಪಕ ಗಣೇಯಾನ ಅವರಿಗೆ ಅಂದಾಜು 7 ಲಕ್ಷ ರೂ ಹಾನಿಯಾಗಿದೆ. ಹಾನಿ ಮಾಡಿದವರ ವಿರುದ್ಧ ಅವರು ಪೊಲೀಸ್ ದೂರು ನೀಡಿದ್ದಾರೆ.

Advertisement. Scroll to continue reading.