ಬಾವಿಯ ಗಡೆಗಡೆಗೆ ನೈಲಾನ್ ಹಗ್ಗ: ಉರುಳು ಹಾಕಿಕೊಂಡ ರೋಗಿ

ಕುಮಟಾ: ಎದೆನೋವು ಹಾಗೂ ತಲೆ ತಿರುಗುವ ರೋಗದಿಂದ ಬಳಲುತ್ತಿದ್ದ ದತ್ತ ಗಾವಡಿ ಆತ್ಮಹತ್ಯೆಗೆ ಶರಣಾಗಿದ್ದಾರೆ.

Advertisement. Scroll to continue reading.

ಅಳ್ವೆಕೊಡಿಯ ದತ್ತಾ ಕೃಷ್ಣ ಗಾವಡಿ (57) ಕೂಲಿ ಕೆಲಸ ಮಾಡಿ ಬದುಕುತ್ತಿದ್ದರು. ಕಳೆದ ಒಂದು ವರ್ಷದಿಂದ ಅವರು ಎದೆನೋವಿನಿಂದ ಬಳಲುತ್ತಿದ್ದರು. ಆಗಾಗ ತಲೆ ಸುತ್ತು ಬರುತ್ತಿದ್ದರಿಂದ ಅಸ್ವಸ್ಥರಾಗುತ್ತಿದ್ದರು. ಈ ಬಗ್ಗೆ ಮಂಗಳೂರು ಆಸ್ಪತ್ರೆಗೆ ತೆರಳಿ ಚಿಕಿತ್ಸೆಯನ್ನು ಪಡೆದಿದ್ದರು.

ಆದರೆ, ಔಷಧಿ ಪಡೆದರೂ ಅವರ ರೋಗ ವಾಸಿ ಆಗಿರಲಿಲ್ಲ. ಈ ಹಿನ್ನಲೆ ಮಾನಸಿಕವಾಗಿ ನೊಂದಿದ್ದ ಅವರು ನ 15ರಂದು ಬಾವಿಗೆ ನೀರೆತ್ತಲು ಬಳಸುವ ಗಡಗಡೆಗೆ ಇದ್ದ ನೈಲಾನ್ ಹಗ್ಗಕ್ಕೆ ಉರುಳು ಹಾಕಿಕೊಂಡು ಸಾವನಪ್ಪಿದ್ದಾರೆ. ಅವರ ಅಣ್ಣ ನರಸಿಂಹ ಗಾವಡೆ ಈ ಬಗ್ಗೆ ಪೊಲೀಸರಿಗೆ ಮಾಹಿತಿ ನೀಡಿ, ಪ್ರಕರಣ ದಾಖಲಿಸಿದರು.