ಅಬ್ದುಲ್ಲನ ವಕಾರಿ ಮೇಲೆ ದಾಳಿ: 10 ಕ್ವಿಂಟಲ್ ಅಡಿಕೆ ಕಾಣೆ!

ಶಿರಸಿ: ಅಡಿಕೆ ವಕಾರಿ ಮೇಲೆ ದಾಳಿ ನಡೆಸಿದ ಕಳ್ಳರು ಅಲ್ಲಿದ್ದ 10 ಕ್ವಿಂಟಲ್ ಅಡಿಕೆ ದೋಚಿ ಪರಾರಿಯಾಗಿದ್ದಾರೆ.

Advertisement. Scroll to continue reading.

ಹುಬ್ಬಳ್ಳಿ ರಸ್ತೆಯ ಗಾಳಿ ಮಾಸ್ತಿ ದೇವಸ್ಥಾನ ಹತ್ತಿರ ಅಬ್ದುಲ್ ಬೇಸಾನಿಯಾ ಅವರು ಅಡಿಕೆ ವಕಾರಿ ನಡೆಸುತ್ತಿದ್ದರು. ಅನೀಸ ಸತ್ತಾರ್ ಬೇಸಾನಿಯಾ & ಕಂಪನಿ ಅಡಿಕೆ ವಕಾರಿಯಲ್ಲಿ ಅಡಿಕೆ ದಾಸ್ತಾನು ಇರುವುದನ್ನು ಕಳ್ಳರು ಗಮನಿಸಿದ್ದರು.

ನ 28ರ ರಾತ್ರಿ ಅಬ್ದುಲ್ ಅವರು ಅಡಿಕೆ ವಕಾರಿಯ 2 ಬಾಗಿಲು ಹಾಕಿ ಮನೆಗೆ ಹೋಗಿದ್ದರು. ಮರುದಿನ ಬೆಳಗ್ಗೆ ಬಂದು ನೋಡಿದಾಗ ಅಡಿಕೆ ವಕಾರಿಯ ಶಟರ್ ಒಡೆದಿತ್ತು. ಒಳಗೆ ಹೋಗಿ ಪರಿಶೀಲಿಸಿದಾಗ 15 ಚೀಲಗಳಲ್ಲಿದ್ದ ಚಾಲಿ ಅಡಿಕೆ ಕಾಣೆಯಾಗಿತ್ತು. 4 ಲಕ್ಷ ರೂ ಮೌಲ್ಯದ 10 ಕ್ವಿಂಟಲ್ ಚಾಲಿ ಅಡಿಕೆ ಕಾಣೆ ಆಗಿರುವುದನ್ನು ಅರಿತ ಅಬ್ದುಲ್ ಪೊಲೀಸ್ ದೂರು ನೀಡಿದ್ದಾರೆ.

Advertisement. Scroll to continue reading.