ಟ್ಯಾಂಕರ್ ಅಪಘಾತ: ಗಟಾರ ಪಾಲಾದ ಪೆಟ್ರೋಲ್!

ಅಂಕೋಲಾ: ಪೆಟ್ರೊಲ್ ಬಂಕಿಗೆ ಇಂಧನ ಸಾಗಿಸುತ್ತಿದ್ದ ಲಾರಿ ಹಟ್ಟಿಗೇರಿ ಬಳಿ ಅಪಘಾತವಾಗಿದೆ. ಪರಿಣಾಮ ಟ್ಯಾಂಕರಿನಲ್ಲಿದ್ದ ಪೆಟ್ರೋಲ್ ಮೋರಿ ಪಾಲಾಗಿದೆ.

ಅಂಕೋಲಾದಿoದ ಕಾರವಾರಕ್ಕೆ ಸಂಚರಿಸುತ್ತಿದ್ದ ಪೆಟ್ರೋಲ್ ತುಂಬಿದ ಟ್ಯಾಂಕರ್ ಚಲಿಸುತ್ತಿತ್ತು. ಈ ಟ್ಯಾಂಕರನ್ನು ಪುತ್ತೂರಿನ ರಕ್ಷಿತ ಆಚಾರ್ಯ ಓಡಿಸುತ್ತಿದ್ದರು. ಚೇತನ್ ಎಂಬಾತರು ಈ ಟ್ಯಾಂಕರಿನಲ್ಲಿ ಕ್ಲೀನರ್ ಆಗಿದ್ದರು.

Advertisement. Scroll to continue reading.

ಹಟ್ಟಿಕೇರಿ ಟೋಲ್ ಗೇಟ್ ಬಳಿ ಹೆದ್ದಾರಿ ಎಡಬದಿ ನಿಂತಿದ್ದ ಲಾರಿಗೆ ಪೆಟ್ರೋಲ್ ತುಂಬಿದ ಟ್ಯಾಂಕರ್ ಗುದ್ದಿತು. ಆ ಲಾರಿಯಲ್ಲಿದ್ದ ಚಾಲಕ ಮಹಮದ್ ಗೌಸ್ ಲಾರಿಯಿಂದ ಹಾರಿ ಜೀವ ಉಳಿಸಿಕೊಂಡರು. ಗುದ್ದಿದ ರಭಸಕ್ಕೆ ಟ್ಯಾಂಕರ್ ಪಲ್ಟಿಯಾಗಿದ್ದು, ಒಳಗಿದ್ದ ಪೆಟ್ರೋಲ್ ಗಟಾರದ ಪಾಲಾಯಿತು.

Advertisement. Scroll to continue reading.

ಮಂಗಳೂರಿನ ಕುಮಾರ ಎಜನ್ಸಿಸ್ ಲೆಕ್ಕಾಧಿಕಾರಿ ರಾಜೇಂದ್ರ ಪೂಜಾರಿ ಅಪಘಾತಕ್ಕೆ ಕಾರಣನಾದ ರಕ್ಷಿತ ಆಚಾರ್ಯ ವಿರುದ್ಧ ಪೊಲೀಸ್ ದೂರು ನೀಡಿದರು.