ಅಂಕೋಲಾ: ಮಗನ ಜೊತೆ ಬೈಕಿನಲ್ಲಿ ಹೋಗುತ್ತಿದ್ದ ಕವಿತಾ ಚಿಂಚಣಕರ ಅವರು ಬೈಕಿನಿಂದ ಬಿದ್ದು ಸಾವನಪ್ಪಿದ್ದಾರೆ.
ಡಿ 5ರಂದು ಅವರ್ಸಾದ ಅರಗದ್ದೆ ಬಳಿ ಹರೀಶ ಚಿಂಚಣಕರ್ ಓಡಿಸುತ್ತಿದ್ದ ಬೈಕು ಹಂಪ್ ಹಾರಿದಾಗ ಹಿಂದೆ ಕೂತಿದ್ದ ಅವರ ತಾಯಿ ಕವಿತಾ (54) ನೆಲಕ್ಕೆ ಬಿದ್ದು ಪೆಟ್ಟು ಮಾಡಿಕೊಂಡಿದ್ದರು. ಗಂಭೀರ ಪ್ರಮಾಣದಲ್ಲಿ ಗಾಯಗೊಂಡ ಅವರನ್ನು ಅಂಕೋಲಾದ ಆಸ್ಪತ್ರೆಗೆ ದಾಖಲಿಸಲಾಗಿತ್ತು. ನಂತರ ಅಲ್ಲಿಂದ ಮಂಗಳೂರಿನ ಕೆ ಎಸ್ ಹೆಗಡೆ ಆಸ್ಪತ್ರೆಗೆ ಕರೆದೊಯ್ಯಲಾಯಿತು.
ನಾಲ್ಕು ದಿನಗಳ ಕಾಲ ಚಿಕಿತ್ಸೆ ನೀಡಿದರೂ ಕವಿತಾ ಅವರು ಬದುಕಲಿಲ್ಲ. ಡಿ 9ರಂದು ಕೆ ಎಸ್ ಹೆಗಡೆ ಆಸ್ಪತ್ರೆಯವರು ಅಂಕೋಲಾ ಪೊಲೀಸ್ ಠಾಣೆಗೆ ಕವಿತಾ ಅವರು ಸಾವನಪ್ಪಿರುವ ಬಗ್ಗೆ ಇಮೇಲ್ ಮಾಡಿ ಮಾಹಿತಿ ಕೊಟ್ಟಿದ್ದಾರೆ.
