ಲಾರಿ ಚಾಲಕನಿಗೆ ಮೂರ್ಛೆ ರೋಗ: ಎದುರಿಗಿದ್ದ ಸ್ಕೂಟಿ ಕಥೆ ಖೋತಾ!

ಅಂಕೋಲಾ: ಮೂರ್ಛೆ ರೋಗದಿಂದ ಬಳಲುತ್ತಿದ್ದ ಚಾಲಕ ಲಾರಿ ಓಡಿಸಿದ ಪರಿಣಾಮ ದುರ್ಗಾದೇವಿ ದೇವಸ್ಥಾನದ ಎದುರು ಅವಘಡವೊಂದು ನಡೆದಿದೆ. ಲಾರಿ ಚಾಲಕ ಮೂರ್ಚೆ ಹೋದ ನಂತರವೂ ಚಲಿಸಿದ ಲಾರಿ ಸ್ಕೂಟಿಯೊಂದಕ್ಕೆ ಗುದ್ದಿ ನಿಂತಿದೆ.

Advertisement. Scroll to continue reading.

ಗುರುವಾರ ಜೈಹಿಂದ ಸರ್ಕಲ್ ಕಡೆಯಿಂದ ಕಾರವಾರ ಕಡೆ ಲಾರಿ ಚಲಿಸುತ್ತಿತ್ತು. ಈ ವೇಳೆ ಲಾರಿ ಚಾಲಕ ಮೂರ್ಛೆ ತಪ್ಪಿದ್ದು, ಆ ವೇಳೆ ಲಾರಿ ರಸ್ತೆ ಪಕ್ಕದಲ್ಲಿ ಚಲಿಸಿದೆ. ಈ ವೇಳೆ ಅಲ್ಲಿ ಜನ ಸಂಚಾರ ಇರಲಿಲ್ಲ. ವ್ಯಕ್ತಿಯೊಬ್ಬರು ತಮ್ಮ ಸ್ಕೂಟಿ ನಿಲ್ಲಿಸಿ ಅಂಗಡಿ ಕಡೆ ಹೋಗಿದ್ದು, ಆ ಸ್ಕೂಟಿಗೆ ಲಾರಿ ಗುದ್ದಿದೆ. ಈ ವೇಳೆ ಬೈಕಿಗೂ ಲಾರಿ ಗುದ್ದಿದೆ.

Advertisement. Scroll to continue reading.

ದುರ್ಗಾದೇವಿ ದೇವಸ್ಥಾನದ ಬಳಿ ಬಸ್ಸು ಏರಲು ಸದಾ ಜನ ನಿಂತಿರುತ್ತಿದ್ದರು. ಆದರೆ, ಈ ದಿನ ಜನರಿಲ್ಲದ ಕಾರಣ ದುರಂತ ತಪ್ಪಿದೆ. ಪಿಎಸ್‌ಐ ಸುನೀಲ ಸ್ಥಳ ಪರಿಶೀಲನೆ ನಡೆಸಿದ್ದು, ಲಾರಿ ಚಾಲಕನನ್ನು ಸ್ಥಳೀಯರು ಸೇರಿ ಆಸ್ಪತ್ರೆಗೆ ದಾಖಲಿಸಿದರು.

Advertisement. Scroll to continue reading.