ಕಾರವಾರ: ಅರಬ್ಬಿ ಸಮುದ್ರದಲ್ಲಿ ಮೀನುಗಾರಿಕೆ ನಡೆಸುತ್ತಿದ್ದ ಮಲ್ಪೆ ಬೋಟು ಅಪಾಯಕ್ಕೆ ಸಿಲುಕಿದನ್ನು ಅರಿತ ಇಲ್ಲಿನ ಮೀನುಗಾರರು ಆ ಬೋಟಿನಲ್ಲಿದ್ದವರನ್ನು ರಕ್ಷಿಸಿದ್ದಾರೆ.
ಮಂಗಳವಾರ ಆಳ ಸಮುದ್ರದಲ್ಲಿ ಸಂಚರಿಸುತ್ತಿದ್ದ ಮಲ್ಪೆಯ `ಸೀ ಹಂಟರ್’ ಎಂಬ ಬೋಟು ಸಂಚರಿಸುತ್ತಿತ್ತು. ಮಲ್ಪೆಯಿಂದ ಮಹಾರಾಷ್ಟçದ ಕಡೆ ಹೊರಟಿದ್ದ ಈ ಬೋಟು ಕಾರವಾರದಿಂದ 9 ನಾಟಿಕಲ್ ಮೀಲು ದೂರದಲ್ಲಿ ಅಪಘಾತಕ್ಕೆ ಒಳಗಾಯಿತು. ಈ ಬೋಟಿನ ಕಬ್ಬಿಣದ ವೆಲ್ಟಿಂಗ್ ತಪ್ಪಿತು. ಇದರಿಂದ ಆ ಬೋಟಿನ ಒಳಗೆ ನೀರು ನುಗ್ಗಲು ಶುರುವಾಯಿತು. ಬೋಟು ಸಹ ನೀರಿನ ಬಾರಕ್ಕೆ ಮುಳುಗಡೆಯಾಯಿತು.
ಲೈಟ್ ಹೌಸಿನ ಬಳಿ ಆ ಬೋಟಿನಲ್ಲಿದ್ದ ಎಂಟು ಕಾರ್ಮಿಕರನ್ನು ಸ್ಥಳೀಯ ಮೀನುಗಾರರು ತಮ್ಮ ಬೋಟಿಗೆ ಹತ್ತಿಸಿಕೊಂಡರು. ನಂತರ ಆ ಮೀನುಗಾರರನ್ನು ಬೈತಖೋಲ್ ಬಂದರಿಗೆ ಕರೆತಂದು ಉಪಚರಿಸಿದರು. ಮುಳುಗುತ್ತಿದ್ದ ಬೋಟನ್ನು ಮೇಲೆತ್ತುವ ಪ್ರಯತ್ನ ನಡೆಸಿದರೂ ಪ್ರಯೋಜನವಾಗಲಿಲ್ಲ. ಬೋಟ್ ಮುಳುಗಡೆಯಿಂದ ಮಾಲಕರಿಗೆ ಕೋಟಿ ರೂ ನಷ್ಟವಾಗಿದೆ.
