6

ಆನ್‌ಲೈನ್ ಆಮೀಷ: ಮೊದಲು ಮಾಹಿತಿ.. ನಂತರ ಮೋಸ!

ಶಿರಸಿ: ಆನ್‌ಲೈನ್ ಟ್ರೇಡಿಂಗ್ ಮೂಲಕ ಹೆಚ್ಚಿನ ದುಡ್ಡು ಸಂಪಾದನೆ ಆಮೀಷಕ್ಕೆ ಒಳಗಾದ ಮದರಸಾ ಶಿಕ್ಷಕರೊಬ್ಬರು ಕೂಡಿಟ್ಟ ಹಣವನ್ನು ಕಳೆದುಕೊಂಡಿದ್ದಾರೆ.

ಬನವಾಸಿ ಹಂಚಿನಕೇರೆ ಬಳಿಯ ವಸೀ ಅಹ್ಮದ್ ಮದರಸಾದಲ್ಲಿ ಶಿಕ್ಷಕರಾಗಿ ಕೆಲಸ ಮಾಡುತ್ತಾರೆ. ತಾವು ದುಡಿದ ಹಣದಲ್ಲಿ ಅವರು 14 ಲಕ್ಷ ರೂಪಾಯಿ ಕೂಡಿಟ್ಟಿದ್ದು, ಆ ಹಣವನ್ನು ಬಂಡವಾಳವನ್ನಾಗಿಸಿ ಕೋಟಿ ರೂ ದುಡಿಯುವುದಕ್ಕಾಗಿ ಅವರು ಆನ್‌ಲೈನ್ ಮೊರೆ ಹೋಗಿದ್ದರು. ಮನೆಯಲ್ಲಿಯೇ ಕುಳಿತು ಟ್ರೆಡಿಂಗ್ ಮೂಲಕ ಕಾಸು ಸಂಪಾದಿಸುವುದಕ್ಕಾಗಿ ಅವರು ಹುಡುಕಾಟದಲ್ಲಿದ್ದರು.

ಆಗ ಅವರ ಮೊಬೈಲಿಗೆ `ಆನ್‌ಲೈನ್ ಟ್ರೇಡಿಂಗ್ ಮೂಲಕ ಹೆಚ್ಚಿನ ಹಣಗಳಿಸಲು ಸಾಧ್ಯ’ ಎಂಬ ಸಂದೇಶ ಬಂದಿತು. ಅದನ್ನು ನಂಬಿದ ಅವರು ಟೆಲಿಗ್ರಾಂ ಮೂಲಕ ಗುಂಪು ಸೇರಿದರು. ಅಲ್ಲಿಂದ ಆನ್‌ಲೈನ್ ಟ್ರೇಡಿಂಗ್ ಆಫ್ ಡೌನ್‌ಲೋಡ್ ಮಾಡಿದರು. ಅಲ್ಲಿ ಅಜಯ, ಆಕಾಶ, ಜಾವೇದ್, ಹುಸೇನ್ ಹಾಗೂ ಆದಿತಿ ಶರ್ಮಾ ಎಂಬಾತರು ಪರಿಚಯರಾದರು.

ಆ ಐದು ಜನ ಉಚಿತವಾಗಿ ಮಾಹಿತಿ ನೀಡುತ್ತಿದ್ದು, ಅವರು ಹೇಳಿದ ಕಡೆಗಳೆಲ್ಲ ವಸೀ ಅಹ್ಮದ್ ಹಣ ಹೂಡಿಕೆ ಮಾಡಿದರು. ಡಿಸೆಂಬರ್ 10ರಿಂದ ಜನವರಿ 5ರವರೆಗೆ ಒಟ್ಟು 1470707ರೂ ಹೂಡಿಕೆ ಮಾಡಿದ್ದರು. ನಂತರ ತಮ್ಮ ಹಣ ಹಿಂಪಡೆಯಲು ಪ್ರಯತ್ನಿಸಿದಾಗ ಅದು ಸಾಧ್ಯವಾಗಲಿಲ್ಲ. ಈ ಬಗ್ಗೆ ಆನ್‌ಲೈನ್ ಟ್ರೇಡಿಂಗ್ ಆಫ್ ಮೂಲಕ ಪ್ರಶ್ನಿಸಿದಾಗ ವಸೀ ಅಹ್ಮದ್ ಅವರನ್ನು ಆ ಗ್ರೂಪಿನಿಂದ ಹೊರದಬ್ಬಲಾಯಿತು. ಜೊತೆಗೆ ಆಫ್’ನಿಂದಲೂ ಬ್ಲಾಕ್ ಮಾಡಲಾಯಿತು.

`ಲಾಭವೂ ಇಲ್ಲ. ಹೂಡಿಕೆಯ ದುಡ್ಡು ಸಿಕ್ಕಿಲ್ಲ’ ಎಂಬ ಕಾರಣಕ್ಕೆ ವಸೀ ಅಹ್ಮದ್ ಇದೀಗ ಪೊಲೀಸರ ಮೊರೆ ಹೋಗಿದ್ದಾರೆ. ಪ್ರಕರಣ ದಾಖಲಿಸಿಕೊಂಡಿರುವ ಕಾರವಾರದ ಸಿಎನ್‌ಇ ಠಾಣೆಯ ಪೊಲೀಸರು ಮೋಸ ಮಾಡಿದವರ ಹುಡುಕಾಟ ನಡೆಸಿದ್ದಾರೆ.

  • Related Posts

    ಹಾವೇರಿ ಮಹಿಳಾ ಕಾಂಗ್ರೆಸ್‌ನಿಂದ ಇಂದಿರಾ ಗಾಂಧಿ ಜನ್ಮದಿನಾಚರಣೆ!

    Share this… Facebook Pinterest Twitter Linkedin Whatsappಹಾವೇರಿಯಲ್ಲಿ ಇಂದಿರಾ ಗಾಂಧಿ ಜನ್ಮದಿನಾಚರಣೆ: ಮಾಜಿ ಪ್ರಧಾನಿಯ ಕೊಡುಗೆ ಸ್ಮರಿಸಿದ ಮಹಿಳಾ ಕಾಂಗ್ರೆಸ್ ಮುಖಂಡರು ಹಾವೇರಿ: ಭಾರತದ ಮಾಜಿ ಪ್ರಧಾನಮಂತ್ರಿ ಹಾಗೂ ಉಕ್ಕಿನ ಮಹಿಳೆ ಎಂದೇ ಖ್ಯಾತರಾಗಿದ್ದ ದಿವಂಗತ ಇಂದಿರಾ ಗಾಂಧಿಯವರ ಜನ್ಮದಿನದ…

    ನ.23 ರಂದು ಒಂದು ದಿನದ ರಫ್ತು ಪ್ರೋತ್ಸಾಹಧನ

    Share this… Facebook Pinterest Twitter Linkedin Whatsappಜವಳಿ ವಲಯದ ಸಂಭಾವ್ಯ ರಫ್ತು ಉದ್ದಿಮೆದಾರರಿಗೆ ಒಂದು ದಿನದ ರಫ್ತು ಪ್ರೊತ್ಸಾಹನ ಕಾರ್ಯಗಾರ ನ.23 ರಂದು ಸೋಮುವಾರ ಬೆಳಗ್ಗೆ 10 ಗಂಟೆಗೆ ಹಾವೇರಿ ನಗರದ “ಗುಡ್ಡೆಪ್ಪ ಹಳ್ಳಿಕೇರಿ ಕಾಲೇಜು ಸಭಾಂಗಣದಲ್ಲಿ ಆಯೋಜಿಸಲಾಗಿದೆ. ಜವಳಿ…

    You cannot copy content of this page