ಕೆಲ ಸರ್ಕಾರಿ ಬಸ್ಸುಗಳಿಗೆ ಪಾಸ್ಟ್ ಟ್ಯಾಗ್ ಇಲ್ಲದಿರುವುದು ಶಕ್ತಿ ಯೋಜನೆ ಪ್ರಯಾಣಿಕರಿಗೆ ಸಮಸ್ಯೆಯಾಗಿದೆ. ಮೊನ್ನೆ ಪಾಸ್ಟ್ ಟ್ಯಾಗ್ ಇಲ್ಲದ ಕಾರಣ ಮಹಿಳಾ ಪ್ರಯಾಣಿಕರನ್ನು ಬಸ್ ನಿರ್ವಾಹಕರು ಟೋಲ್ ದಾಟಿಸದೇ ಅರ್ದದಾರಿಯಲ್ಲಿಯೇ ಬಿಟ್ಟು ತೆರಳಿದ್ದಾರೆ!
ಹೊನ್ನಾವರ-ಕುಮಟಾ ಮಾರ್ಗವಾಗಿ ಸಂಚರಿಸುವ ಸ್ಥಳೀಯ ಸಾರಿಗೆ ಬಸ್ಗಳಿಗೆ ಹೊಳೆಗದ್ದೆ ಟೋಲ್ ದಾಡುವುದು ಅನಿವಾರ್ಯ. ಆದರೆ, ಮಂಗಳವಾರ ಸಂಚರಿಸಿದ ಬಸ್ಸುಗಳಿಗೆ ಪಾಸ್ಟ್ ಟ್ಯಾಗ್ ಇರಲಿಲ್ಲ. ಹೀಗಾಗಿ ಆ ಬಸ್ಸುಗಳು ಟೋಲ್ ದಾಟಿ ಮುಂದೆ ಸಾಗಲಿಲ್ಲ. ಟೋಲಿನಲ್ಲಿದ್ದ ಮಹಿಳಾ ಪ್ರಯಾಣಿಕರನ್ನು ಅಲ್ಲಿಯೇ ಇಳಿಸಿದ್ದರಿಂದ ಪ್ರಯಾಣಿಕರು ಆಕ್ರೋಶ ವ್ಯಕ್ತಪಡಿಸಿದರು.
ಅರ್ದದಾರಿಯಲ್ಲಿ ಕೈ ಕೊಟ್ಟಿದ್ದರಿಂದ ಕಾರ್ಮಿಕರು ತೊಂದರೆ ಅನುಭವಿಸಿದರು. `ಮೊದಲೇ ಬಸ್ ಸರಿಯಾದ ಸಮಯಕ್ಕೆ ಬರುತ್ತಿಲ್ಲ, ಬಂದರೂ ಕೂಡ ಪ್ರಯಾಣಿಕರಿದ್ದ ಕಡೆ ನಿಲ್ಲಿಸೋದಿಲ್ಲ. ಅದರಲ್ಲೂ ಈಗ ಬಸ್ಗಳ ಅವಸ್ಥೆ ಈ ಸ್ಥಿತಿಗೆ ಬಂದಿದೆ. ನಮ್ಮ ಕೆಲಸಕ್ಕೂ ತೊಂದರೆ ಆಗುತ್ತಿದೆ’ ಎಂದು ಪ್ರಯಾಣಿಕರು ಆಕ್ರೋಶ ಹೊರಹಾಕಿದರು.
