ಶಾಲೆಗೆ ಹೋಗಿ ಮನೆಗೆ ಮರಳಬೇಕಿದ್ದ ಹಳಿಯಾಳದ ಬಾಲಕಿ ಕಾಣೆಯಾಗಿದ್ದು, ಆಕೆಯ ಹುಡುಕಾಟ ನಡೆಸಿದ ಪೊಲೀಸರು ಹಳಿಯಾಳದಲ್ಲಿ ವಿದ್ಯಾರ್ಥಿನಿಯನ್ನು ಪತ್ತೆ ಮಾಡಿದ್ದಾರೆ. ಆಕೆಯನ್ನು ಸುರಕ್ಷಿತವಾಗಿ ಪಾಲಕರಿಗೆ ಒಪ್ಪಿಸಲಾಗಿದೆ.
ಹಳಿಯಾಳ ಕೆಸರೊಳ್ಳಿಯ ಶಿಲ್ಪಾ (ಹೆಸರು ಬದಲಿಸಿದೆ) ಅವರು ಪಟ್ಟಣದ ಶಾಲೆಯೊಂದರಲ್ಲಿ 9ನೇ ತರಗತಿ ಕಲಿಯುತ್ತಿದ್ದರು. ಜನವರಿ 23ರಂದು ಅವರು ಶಾಲೆಗೆ ಬಂದಿದ್ದು, ನಂತರ ಕಾಣೆಯಾಗಿದ್ದರು. ವಿದ್ಯಾರ್ಥಿನಿ ಮನೆಗೆ ಬಾರದ ಕಾರಣ ಪಾಲಕರು ಪೊಲೀಸರ ಮೊರೆ ಹೋಗಿದ್ದರು.
ಪ್ರಕರಣವನ್ನು ಗಂಭೀರವಾಗಿ ಪರಿಗಣಿಸಿದ ಪೊಲೀಸರು ಎಲ್ಲಾ ಕಡೆ ವಿದ್ಯಾರ್ಥಿನಿಯ ಹುಡುಕಾಟ ನಡೆಸಿದರು. ಇದೀಗ ಆ ಬಾಲಕಿ ಅಂಕೋಲಾದಲ್ಲಿ ಪತ್ತೆಯಾಗಿದ್ದಾರೆ.
ಶಾಲಾ ಸಮವಸ್ತದಲ್ಲಿದ್ದ ವಿದ್ಯಾರ್ಥಿನಿಯನ್ನು ಕೆಎಸ್ಆರ್ಟಿಸಿ ಸಿಬ್ಬಂದಿ ವಿಚಾರಿಸಿದ್ದು, ಅನುಮಾನ ಹಿನ್ನಲೆ ಅವರು ಪೊಲೀಸರಿಗೆ ಮಾಹಿತಿ ನೀಡಿದ್ದಾರೆ. ಕೆಎಸ್ಆರ್ಟಿಸಿ ಸಹಯೋಗದಲ್ಲಿ ಪೊಲೀಸರು ಆಕೆಯನ್ನು ಪತ್ತೆ ಮಾಡಿ ಪಾಲಕರಿಗೆ ಒಪ್ಪಿಸಿದ್ದಾರೆ.
ಪೊಲೀಸ್ ಅಧೀಕ್ಷಕ ಎಂ ನಾರಾಯಣ, ಡಿವೈಎಸ್ಪಿ ಶಿವಾನಂದ ಮದರಖಂಡಿ, ಸಿಪಿಐ ಜಯಪಾಲ ಪಾಟೀಲ ಜೊತೆ ಪಿಎಸ್ಐ ವಿನೋದ ಎಸ್ ಕೆ ಬಾಲಕಿ ಪತ್ತೆಗಾಗಿ ಹುಡುಕಾಟ ನಡೆಸಿದ್ದರು.
