ಶಿರಸಿ: TSS ವ್ಯಾಪಾರ ಮಳಿಗೆಯಲ್ಲಿ ಅವಧಿ ಮೀರಿದ ಆರೋಗ್ಯಕ್ಕೆ ಸಂಬ0ಧಿಸಿದ ವಸ್ತು ಮಾರಾಟ ನಡೆಯುತ್ತಿದ್ದು, ಬುಧವಾರ ಇದನ್ನು ಪ್ರಶ್ನಿಸಿದ ಗ್ರಾಹಕರಿಗೆ ಸರಿಯಾಗಿ ಉತ್ತರಿಸಲು ಸಿಬ್ಬಂದಿ ತಡವರಿಸಿದರು. ಈ ವೇಳೆ ಅವಧಿ ಮುಗಿದ ಸಾಮಗ್ರಿಗಳು ರಾಶಿ ರಾಶಿ ಬಿದ್ದಿರುವುದನ್ನು ನೋಡಿ ಗ್ರಾಹಕರು ಕಂಗಾಲಾದರು!
ವಾನಳ್ಳಿ ಸಮೀಪದ ಗುರುವಳ್ಳಿಯ ಪ್ರಸಾದ ನಾಯ್ಕ ಎಂಬಾತರು ತಮ್ಮ ತಂದೆಯ ಅನಾರೋಗ್ಯದ ಕಾರಣಕ್ಕೆ ಕಾಲಿಗೆ ಹಾಕುವ ಸರ್ಜಿಕಲ್ ಸಾಧನ ಖರೀದಿಸಿದ್ದರು. ಮನೆಗೆ ಹೋಗಿ ನೋಡಿದಾಗ ವರ್ಷದ ಹಿಂದೆಯೇ ಅದರ ಅವಧಿ ಮುಗಿದಿರುವುದು ಗಮನಕ್ಕೆ ಬಂದಿದ್ದು, ಈ ಬಗ್ಗೆ ಟಿಎಸ್ಎಸ್ ಗಮನಕ್ಕೆ ತಂದಿದ್ದರು. ಆದರೆ, ಅಲ್ಲಿನ ಸಿಬ್ಬಂದಿ ಆ ಬಗ್ಗೆ ಗಮನಹರಿಸಿರಲಿಲ್ಲ.
ಈ ವೇಳೆ ಇನ್ನೊಮ್ಮೆ ಅದೇ ವಸ್ತು ಖರೀದಿಗೆ ಹೋದ ಅವರಿಗೆ ಅಲ್ಲಿ ಮತ್ತಷ್ಟು ಅವಧಿ ಮುಗಿದ ವಸ್ತುಗಳು ಕಾಣಿಸಿದ್ದು, ಈ ಬಗ್ಗೆ ಖಾರವಾಗಿ ಪ್ರಶ್ನಿಸಿದರು. ಆಗ ಸಿಬ್ಬಂದಿ ಉತ್ತರಿಸಲು ತಡವರಿಸಿದರು. ಹೊಸ ಬಾಕಿನ ಒಳಗೆ ಹಳೆಯ ಸಾಮಗ್ರಿಗಳನ್ನು ಹಾಕಿ ಮಾರಾಟ ಮಾಡಲಾಗುತ್ತಿದೆ ಎಂದವರು ಆರೋಪಿಸಿದ್ದಾರೆ. ತಮಗೆ ಆದ ಅನ್ಯಾಯಕ್ಕೆ ನ್ಯಾಯ ಕೊಡಿಸಿ ಎಂದು ಗುರುವಳ್ಳಿಯ ಪ್ರಸಾದ ನಾಯ್ಕ ಪೊಲೀಸ್ ದೂರು ನೀಡಿದ್ದಾರೆ.
ನಡೆದಿದ್ದೇನು? ಆಗಿದ್ದೇನು? ಮಾಡಿದ್ದೇನು? ವಿಡಿಯೋ ಇಲ್ಲಿ ನೋಡಿ..
