ಹೆಸರಿಗೆ ಮೆಕಾನಿಕ್.. ಆದರೆ, ಬೈಕ್ ಓಡಿಸಲು ಬರಲ್ಲ!

ಶಿರಸಿ: ನೆಂಟರ ಮನೆಗೆ ಬಂದಿದ್ದ ವಾಸುದೇವ ಶೇಟ್ ಅವರಿಗೆ ಬೈಕ್ ಗುದ್ದಿದ್ದರಿಂದ ಅವರ ತಲೆ ಹಾಗೂ ಮುಖಕ್ಕೆ ಭಾರೀ ಪ್ರಮಾಣದಲ್ಲಿ ಪೆಟ್ಟಾಗಿದೆ.

ಅಕ್ಟೊಬರ್ 30ರಂದು ಸಿದ್ದಾಪುರದ ಹಿತ್ಲಗೋಡಿನ ವಾಸುದೇವ ನಾಗೇಶ ಶೇಟ್ (65) ಅವರು ತಮ್ಮ ಪತ್ನಿ ಜಯಾ ಜೊತೆ ಬನವಾಸಿ ಬಳಿಯ ಸಚಿನ್ ಪ್ರಕಾಶ ಶೇಟ್ ಅವರ ಮನೆಗೆ ಬಂದಿದ್ದರು. ಬನವಾಸಿ ಬಳಿಯ ಕುರ್ಸೆ ಕಪೌಂಡ್ ಬಳಿ ರಸ್ತೆ ದಾಡುತ್ತಿದ್ದಾಗ ಫಾರುಕ್ ಅಬ್ಬಾಸ್ (27) ಬೈಕ್ ಗುದ್ದಿದ್ದರಿಂದ ಅವರು ನೆಲಕ್ಕೆ ಬಿದ್ದು ಗಾಯಗೊಂಡರು.

Advertisement. Scroll to continue reading.

ಬೈಕ್ ಓಡಿಸಿಕೊಂಡು ಬಂದ ಪಾರುಕ್ ಅಬ್ಬಾಸ್ ಉಂಚಳ್ಳಿ ಕೆರೆಕೊಪ್ಪದವರು. ವೃತ್ತಿಯಲ್ಲಿ ಬೈಕ್ ಮೆಕಾನಿಕ್ ಬೇರೆ. ಆದರೂ, ಅವರು ದುಡುಕಿನಿಂದ ಬೈಕ್ ಓಡಿಸಿಕೊಂಡು ಅಪಘಾತ ಮಾಡಿದ್ದಾರೆ. ನೆಲಕ್ಕೆ ಬಿದ್ದ ವಾಸುದೇವ ಶೇಟ್ ಅವರ ಜೊತೆ ಅಪಘಾತ ಮಾಡಿದ ಪಾರುಕ್ ಅಬ್ಬಾಸ್ ಸಹ ಗಾಯಗೊಂಡಿದ್ದಾರೆ. ಈ ಅಪಘಾತವನ್ನು ನೋಡಿದ ಸಚಿನ್ ಶೇಟ್ ನ 5ರಂದು ಬನವಾಸಿ ಠಾಣೆಗೆ ತೆರಳಿ ಪೊಲೀಸ್ ದೂರು ನೀಡಿದ್ದಾರೆ.

Advertisement. Scroll to continue reading.

`ನಿಮ್ಮ ಜೀವದ ಜೊತೆ ಬೇರೆಯವರ ಜೀವವೂ ಅಮೂಲ್ಯ. ವಾಹನ ಚಲಾಯಿಸುವಾಗ ಜಾಗೃತರಾಗಿರಿ’