ಕುಮಟಾ: ಸೋದರ ಮಾವನ ಜೊತೆ ಸಂಬoಧಿಕರ ಮನೆಗೆ ಊಟಕ್ಕೆ ಹೋಗಿದ್ದ ಸಜ್ಜಾದ ಯೂಸೂಪ್ ಬೇಗ್ ಎಂಬಾತರಿಗೆ ಐವರು ಸೇರಿ ಥಳಿಸಿದ್ದಾರೆ.
ಕುಮಟಾ ಹಳಕಾರಿನ ಸಜ್ಜಾದ ಯೂಸೂಪ್ ಬೇಗ್ ಚಾಲಕರಾಗಿ ಜೀವನ ನಡೆಸುತ್ತಿದ್ದಾರೆ. ನ 11ರಂದು ಅವರು ತಮ್ಮ ಸೋದರ ಮಾವನ ಜೊತೆ ಸಂಬoಧಿಕರ ಮನೆಗೆ ಊಟಕ್ಕೆ ಹೋಗಿದ್ದರು. ಆಗ ಅಲ್ಲಿದ್ದ ಚಂದಾವರದ ಐದು ಜನ ಜಗಳಕ್ಕೆ ಬಂದರು.
ಹಳೆಯ ವಿಷಯವೊಂದನ್ನು ಪ್ರಸ್ತಾಪಿಸಿದ ಚಂದಾವರದ ಫೈಸಲ್ ಖಾನ್ ಮೊದಲು ಜಗಳ ಶುರು ಮಾಡಿದರು. ನಂತರ ಫೈಸಲ್ ಖಾನ್ ಜೊತೆಗಿದ್ದ ಅಖಲಕ್ ಖಾನ್, ವಸೀಮ್ ಖಾನ್, ಮಾಸೂಮ್ ಹಾಗೂ ಮುಸ್ತಪಾ ಸೇರಿ ಸಜ್ಜಾದ ಯೂಸೂಪ್ ಬೇಗ್ ಅವರನ್ನು ಹಿಡಿದು ದೂಡಾಡಿದರು.
ಈ ಎಳೆದಾಟದಲ್ಲಿ ಸಜ್ಜಾದ ಅವರ ಬಟ್ಟೆ ಹರಿದಿದ್ದು, ಅದೇ ದಿನ ಅವರು ಪೊಲೀಸ್ ದೂರು ನೀಡಿದ್ದರು. ಇದೀಗ ನ್ಯಾಯಾಲಯದ ಅನುಮತಿ ಪಡೆದು ನ ಸಜ್ಜಾದ ಯೂಸೂಪ್ ಬೇಗ್ ಆ ಐವರ ವಿರುದ್ಧ ಪೊಲೀಸ್ ಪ್ರಕರಣ ದಾಖಲಿಸಿದರು.
